عبد الرحيم علي يفضح خونة الثورة.. وتزوير تقارير أمن الدولة

النجار ل"منعم": "شوف لي ملفي في لاظوغلي"
بالصوت.. "النجار" و"الحتة" يتفقان على تزوير تقارير أمن الدولة
النجار ل"شكري": هنجيب البرادعي رئيس وربنا يسامحنا
واصل الدكتور عبدالرحيم علي، رئيس تحرير "البوابة نيوز" انفراداته الخاصة بتسجيلات عدد من نشطاء السبوبة، ليواصل رحلته في كشف فسادهم، متحديا كل الضغوط التي مورست ضده للتوقف على إذاعة تلك التسريبات.
وقال رئيس تحرير "البوابة نيوز"، قد أخسر الدنيا نعم قد أخسر الكلمات والذكرى نعم لكني سأظل أقول لا لكل من يمنعني عن فضح أعضاء حركة 6 أبريل فلقد سقط القناع عن الكثيرين.
وأضاف خلال حلقة اليوم الاثنين من برنامجه "الصندوق الأسود" على فضائية "القاهرة والناس"، لقد سقط القناع عن الكثيرين الذين دافعوا مرارًا وتكرارًا عن خونة 6 أبريل لكننا أقسمنا أن نكون دولة قوية وذات إرادة مهما كره الكارهون فهم لا يريدون أن تعرفوا ما حدث.
وقال إن هؤلاء الذين لا يريدونكم أن تعرفوا الحقيقة يختبئون بينكم لانتهاز الفرصة للانقضاض عليكم.. فكونوا حذرين لذلك.
وكشف عن مكالمة بين الناشط السياسي، مصطفى النجار، وعبد المنعم إمام، مسئول حملة "البرادعي رئيسا" بالمحافظات.
وجاء نص المكالمة كالآتي:
النجار: إيه يا أستاذ منعم
منعم: والله حبيبي والله العظيم ثلاثة أنت حبيبي
النجار: قول
منعم: بص كلمني ضابط من الضباط بتوع المحلة، عايز يراضيني وبتاع عشان كنا بنتخانق مع بعض كتير فقالي على فكرة أنا جبتلك الملف بتاعك اللي كان في مكتب أمن الدولة كله
النجار: حبيب قلبي
منعم: جاب الملف وقعد يحكيلي فيه فااا الملف بقى عايز أقولك في تفصيل في منتهي الدقة يعني نشاطي من أول مثلا 2006 بكل الاجتماعات اللي حضرتها بالناس بقولت ايه الساعة كام، حاجة بنت كلب كده.
النجار: تمام
منعم: وبعدين ناقص تلت تربع الاجتماعات دي اللي كان معايا فيها نصر
النجار: أه
منعم: المهم بقى هو كمان عرف يتصرف في ملفين، الملف بتاع وائل اللي من ساعة حمدي الفخراني، والملف التاني بتاع واحد المخبر اللي كان بيتجسس علينا وبيكتب تقارير بخط ايده .. طلع مين
النجار: أه
منعم: أبو ناصر
النجار: أبووووووه!!
منعم: أبوووه
النجار: حلو أوي
منعم: فضيحة العيال بص في المحلة
النجار: هيديك الحاجات ديه
منعم: أنا أصلا من غير ما يديني، يعني أنا مش محتاج يدهالي العيال في المحلة عرفوا
النجار: لا عايزين نحرق يا ناصر يا مان
منعم: أه ما هو اسمع بس.. الضابط كلمني عن طريق واحد صاحبي
النجار: اممممم
منعم: خلاص هو صاحبه، فاااا هو الواد قالي أنت قبل ما أنت ما تيجي المحلة هنكون مسيحين
النجار: أيوة بس معنى كده أن ناصر كان بيقول لأبوه
منعم: أكيد
النجار: أيوة طب ماشي طب ما إحنا عايزين وثيقة، أو أي حاجة نبعتها باسم ناصر عضو الائتلاف
منعم: هيتحط على الفيس الحاجات دي كوبى يعني
النجار: شغل بقى زفتاوي وشغل تعابينك وسيطر سيطر
منعم: ده أنا بص طيرت من الفرحة قلت لازم أعرف مصطفى
النجار: اشطة عليك طب شوفلي ملفي يا منعم في لاظلوغي عشان انا ملفي في لاظلوغي مش في مدينة نصر
منعم: طب ما لاظلوغي لسه مخلصش