تفاصيل كلمة السيسي عن تكلفة مشروعات أنفاق قناة السويس

وجه الرئيس عبدالفتاح السيسي، الشكر للواء أحمد فودة مساعد رئيس الهيئة الهندسية بالقوات المسلحة، على ما تم تحقيقه من إنجاز كبير في تنفيذ مشروع حفر أنفاق قناة السويس.
وقال الرئيس السيسي خلال حفل الانتهاء بأعمال الحفر والتبطين لأنفاق قناة السويس وخروج ماكينات الحفر العملاقة تحيا مصر: "عندي أمل أنا وكثير من المصريين في مشروع أكبر من هذا بكثير، وبتمنى عمل مرحلة ال14 كيلومترا لمترو الأنفاق، احنا مستعدين إنهم يخشوا يشتغلوا معانا ونعمل لأول مرة كل حاجتنا من الأول للآخر بشركات مصرية وبمعدات مصرية".
وأضاف الرئيس: "هاخد الماكينات من هنا على مكان تاني هناك بس لما بنيجي نعمل مشروعات زي كده بناخد قروض من دول بتمول المشروعات دي، لكن في الحالة دي التمويل هيكون من الدولة، والدولة قدرتها مش قوية إنها تمول مشروع بالحجم ده، عشان كده محتاجين تنسيق مع البنوك حول القروض بفائدة مناسبة شوية، وبالمناسبة لن يكون سعر المشروعات دي للمستخدم بأسعار عادية زي ما بتتقدم، لا النهارده محتاجين 20 أو 30 مليار جنيه أنفاق بس ولما نحط المعدات في 10 مليارات جنيه كمان عشان كده مينفعش يبقي سعر التذكرة بالسعر اللي موجود بيه دلوقتي ولا بضعف التذكرة ولا بثلاثة أضعافها بصراحة كده".
ووجه الرئيس السيسي حديثه للواء أحمد فودة، قائلا: "لو كنتوا انتوا جاهزين يا أحمد أنا جاهز، وادرسوا الموضوع ده ونتكلم فيه وانت المسئول عنه".
وشهد الرئيس عبدالفتاح السيسي أعمال الحفر والتبطين بأنفاق القناة، كما شهد الرئيس خروج إحدى ماكينات الحفر تحيا مصر للجهة الشرقية.