"أبوحفيظة" يوضح هدف برنامج "للرجال فقط" على "نجوم إف إم"

قال الإعلامي أكرم حسني مقدم برنامج «للرجال فقط» على إذاعة «نجوم إف إم»، إن «برنامجي للعكننة على الستات، وكل رجل متجوز لازم يعكنن على الست بتاعته كفاية أنهم مطلعين عيننا».
وأضاف «حسني»، مساء الثلاثاء، «الست محتاجة شغل كتير، ودائمًا ما تحط نفسها في مقارنة مع ستات زيها، وتغير منها»، مستطردا: «الست مثلًا ممكن مرة واحدة تقولك أنا عايزة نفس الهدوم اللي جايبها صحبتي، ودائمًا الست تركز على الحاجات اللي مش معاها، ومش بتهتم بالحاجة اللي معاها».
وأكد أن «المرأة تضع نفسها في وضع مقارنة دائمًا مع صديقاتها أو أقاربها، وتفضل تزن على جوزها عشان تبقى زي الشخص اللي بتقارن نفسها بيها، فلو ولاد دي دخلوا مدرسة معينة تبقى الست عايزة تدخل ولادها نفس المدرسة برده، وهكذا».