طريقة سهلة لعمل "جراب" الموبايل بالكروشيه

نقدم لك طريقة لعمل جراب موبايل كروشيه بالصور بطريقة سهلة وبسيطة خصوصا للمبتدئين:.
1. نعمل سلسلة تكون مناسبة لعرض الموبايل (هنا عملت 13 سلسلة)..
2. نعمل ارتفاع سلسلة ونشغل غرزة العمود في الغرزة اللى بعد الابرة مباشرة.
3. نعمل عمودين زيادة في آخر غرزة وبكده يكون عندنا 3 غرز عمود في آخر السلسلة (عند النقط الحمراء) وبكده هنلاقى الشغل لف معانا والكورنر بقى نص دايرة
4. مش هانلف الشغل.. هانفضل مكملين غرزة العمود لحد ما نلف حولين الشغل.
5. مش هانلف الشغل برضو نكمل كاننا شغالين حلزونى لفوق.
الناس اللى بتشتغل باليمين تشتغل عكس عقارب الساعة.
والناس اللى بتشتغل بإيديها الشمال تمشى مع عقارب الساعة.
6. نتأكد من أن المقاس مظبوط ومريح للموبايل.
7. لما نتاكد من المقاس نشتغل غرزة منزلقة في السطر الأخير ونستعد لعمل الشريط.
لعمل الشريط: نشتغل 4 غرز عمود وبعدين نرتفع سلسلة ونلف الشغل ونندخل في التانية ونعمل كمان 3 غرز عمود.
8. لما نوصل لطول مناسب من الشريط (ممكن 12 سطر) هانعمل بقى مكان الزرار.
9. نرتفع 1 سلسلة ونعمل في تانى غرزة عمود وبعدين نعمل ارتفاع سلسلة ونلف وندخل في تانى غرزة ونعمل عمود.
10. نكرر الخطوة 9 لحد ما الفتحة تكون مناسبة وتعدى الزرار (انا عملت 4 سطور).
11. سلسلة ونلف وعمود في تانى غرزة من الابرة، وبعدين عمود في الغرزة اللى بعدها وبعدين غرزتين سلسلة.
12. سلسلة ونلف وبكدة نكون شغالين لتحت ونعمل عمود في تانى غرزة من الابرة.
13. نكرر الخطوة 12 لحد ما نحصل على نفس العدد من السطور بتاعت الزرار (اربعة واربعة مثلا) وهانحصل على نفس الشكل في الصورة القادمة.
14. نعمل غرزة منزلقة بين الشريط وفتحة الزرار عشان نقفلها زى الشكل دا.
15.نحط الموبايل عشان نعرف احسن مكان مناسب للزرار.
16. نزينه زى مانحب هنا عملت وردة وبالخيط كده رسمت نحوها.