أسامة كمال: "السيسي" يعمل 20 ساعة يوميًّا والناس على القهوة ل5 الصبح

عقب الإعلامي أسامة كمال على خطاب الرئيس عبدالفتاح السيسي، الأخير، عندما قال: "إنه لو الأمة المصرية مش عايزاه هيمشى، وأنه مش محتاج حد ينزل يوم 25 يناير ولا 26 ولا أي يوم".. ليه الرئيس السيسى يفتح موضوع إحنا مش شايفين له أثر على الأرض، ولا شايفين تحركات ولا تهديدات ولا شايفين حاجة، إلا لو كان الرئيس شايف حاجة إحنا مش شايفينها.
وأضاف خلال برنامجه "القاهرة 360 " المذاع على شاشة "القاهرة والناس": كلام الرئيس بالنسبة لي لا يعكس عدم ثقة في الاستقرار، لكن بيعكس أنه اتفق معانا على حاجات وقت انتخابات، وهذه الأشياء لم تنفذ، مضيفا: أننا عندما انتخبنا السيسى، قال: إنه بيصحى 5 الصبح، وبيشتغل 20 ساعة، قلنا له: "معاك"، صحى هو 5 الصبح، واشتغل 20 ساعة، في الوقت اللى ناس كتير بتقعد ع القهوة ل5 الصبح، وبعدين تدخل تنام.