بالفيديو.. الحسيني ل"العادلي": "يا إدريس هات الروب الأحمر بتاعي"

علق الإعلامي يوسف الحسيني، على الإفراج عن وزير الداخلية الأسبق حبيب العادلي، بقوله: "حبيب العادلي بعد ما خرج من السجن وراح لبيته في 6 أكتوبر، هايقول يا إدريس هات الروب الأحمر بتاعي، ده اللي فاضل الحقيقة، بس أنا سعيد أوي، ولا تعليق على أحكام القضاء، إنما إحنا كنا بنعمل كده ليه طيب؟".
وتابع "الحسيني"، خلال تقديمه برنامج "السادة المحترمون"، المذاع على فضائية "أون تي في": "أنا عندي سؤال بسيط، كلهم خدوا قبل كده أحكام ومفيش خلاف على الحكم، والقضاة على عينا وراسنا، بس اللي ياخد حكم ب25 سنة يطلع براءة في تاني درجة؟، طيب تبقى 15 أو حتى 10 أو 5 سنين لكن من 25 سنة حبس لبراءة؟، وهو القاضي اللي حكم بالمؤبد مش أكيد عنده أدلة ولا كان بيحكم من دماغه؟، وأتمني من مجلس القضاء الأعلى أن يعين متحدث علشان يفهمنا ويشرح لنا".