اخبار الفنانين : منة جلال : الإغراء مش بوس ولبس عريان.. ومطمنة لأني نور عين السيسي

فنانه شابه نشأت فى عائله فنية فالخال هو الفنان الكبير الراحل شفيق جلال، ووالدتها الفنانه سعيدة جلال، فتربت على طباع فناني الزمن الجميل مما أعطاها ميزة عن باقى فنانات جيلها، حيث ملكت الموهبة والخبرة ويتوقع لها الكثير من الفنانين أن تكون إحدى نجمات الصف الأول خلال الأعوام القليلة المقبلة.
منه جلال كشفت في حوارها لGololy عن عدد كبير من الأسرار التي يعرفها الجمهور أول مرة، ورأيها في الأوضاع السياسية في مصر، خلال زمن جماعة الإخوان المسلمين وبعد ثورة 30 يونيو، كما تكشف عن رأيها في أدوار الإغراء.
Gololy: ما الذى لا نعرفه عن الفنانه منة جلال؟ أنا بحب بيتى جدا وانا اصلا بيتوتية وجوزى وعائلتى اهم حاجة عندى وابويا وامى هما نور عينى وجوزى طبعا.
هل تجدين محاوله من المنتجين والمخرجين لحصرك فى أدوار الإغراء؟ لا خالص أنا معملتش اى دور إغراء ولا اتعريت فى اى مسلسل، ومش شايفة خالص ان المخرجين او المنتجين بيحصرونى فى ادوار معينة والدليل ان شاء الله الادوار المهمة اللى هعملها السنة دى. كمان مفهوم الاغراء اتغير خالص، والاغراء مش معناه لبس عريان او مشاهد فيها بوس و انا اتعلمت يعنى ايه اغراء من اسطورة السينما هند رستم.
منة جلال لGololy: الإغراء مش بوس ولبس عريان.. ومطمنة لأني نور عين السيسي 15 نوفمبر 2013 - 10:30 ص
القاهرة - إبراهيم عبد الرازق
فنانه شابه نشأت فى عائله فنية فالخال هو الفنان الكبير الراحل شفيق جلال، ووالدتها الفنانه سعيدة جلال، فتربت على طباع فناني الزمن الجميل مما أعطاها ميزة عن باقى فنانات جيلها، حيث ملكت الموهبة والخبرة ويتوقع لها الكثير من الفنانين أن تكون إحدى نجمات الصف الأول خلال الأعوام القليلة المقبلة.
منه جلال كشفت في حوارها لGololy عن عدد كبير من الأسرار التي يعرفها الجمهور أول مرة، ورأيها في الأوضاع السياسية في مصر، خلال زمن جماعة الإخوان المسلمين وبعد ثورة 30 يونيو، كما تكشف عن رأيها في أدوار الإغراء.
Gololy: ما الذى لا نعرفه عن الفنانه منة جلال؟ أنا بحب بيتى جدا وانا اصلا بيتوتية وجوزى وعائلتى اهم حاجة عندى وابويا وامى هما نور عينى وجوزى طبعا.
هل تجدين محاوله من المنتجين والمخرجين لحصرك فى أدوار الإغراء؟ لا خالص أنا معملتش اى دور إغراء ولا اتعريت فى اى مسلسل، ومش شايفة خالص ان المخرجين او المنتجين بيحصرونى فى ادوار معينة والدليل ان شاء الله الادوار المهمة اللى هعملها السنة دى. كمان مفهوم الاغراء اتغير خالص، والاغراء مش معناه لبس عريان او مشاهد فيها بوس و انا اتعلمت يعنى ايه اغراء من اسطورة السينما هند رستم.
هل تعتقدين أن جمالك أيضا قد يحصرك فى أدوار معينة؟ أكيد وأنا بحاول أغير من شكلى كتير عشان متحصرش فى دور معين، أغير شكلى و لون شعرى وطريقة لبسى ودة ان شاء الله هيبان فى مسلسلى الجديد.
ما الدور الذى تعتبرينه بدايتك الحقيقية؟ أدوار كتير أنا بعتبرها خطوات مهمه فى حياتى الفنية وكل مسلسل ليه يعتبر بداية حقيقة.
أنتِ مازلتِ من الوجوه التى لم تحظَ ببطولة مطلقة فهل تضطرين لقبول أدوارا لا تعجبك من أجل التواجد والانتشار؟ لا خالص والحمد الله أنا دلوقتى بتتعرض عليه ادوار الحمد الله حلوة جدا ومختلفة.
الظروف والحالة التى تمر بها مصر هل تأثرتى بها؟ اتاثرت كتير وخصوصا فى الشغل بس كله فداء مصر عشان نرجع احلى من الاول.
هل السياسة أثرت على حياتك الخاصة والفنية؟ اتأثرت لأني كنت خايفة جدا من الإرهاب اللى حصل فى البلد وحمدت ربنا انى مشتغلتش لأن الظروف السياسية مكنتش مخليه حد مهتم اوى باالدراما والانفجارات وموت ناس أبرياء وكنا فى كابوس والحمد الله مصر فاقت من الإخوان.
هل خسرتِ أحدا بسببها؟ آه أنا اتخدعت فى ناس كتير كانوا اصحابى واتصدمت فيهم لانهم مش فاهمين حاجة وفجأة لقيتهم من الاخوان.
ماذا تقولين عن الإرهاب الذي يحدث في مصر؟ ان شاء الله الجيش هينتصر عليهم والشرطة عاملة شغل بجد جبار، وطول ما السيسى احنا نور عنيه لازم نبقى مطمنين وربنا حارس هذه البلد العظيمة وانا بعشق تراب بلدى ومادام رب العزة قال "ادخلوا مصران شاء الله امنين". يبقى ان شاء الله نطمن.
هل كنتِ تتواجدين فى مظاهرات 30 يونيو التى اطاحت بحكم الاخوان؟ مكنتش الصراحة بنزل بس وقفت تحت بيتى و مسكت علم مصر، و مشيت بالعربية و انا رافعة علم بلدى و لما طلع السيسى و قال البيان بعزل و طرد مرسى بجد قلبى كان هيوقف من الفرحة لحظه عمرى ماهنساها.
ما رأيك فى عام حكم الإخوان؟ عام للأسف «زبالة» وفعلا هما كل 30 سنة يطلعوا من جحورهم ويتحبسو تانى لأنهم هما فاشلين.
وما رأيك فى عهد مبارك؟ رغم أنه كان عهد فيه ظلم كتير بس كنا عايشين بجد وحاسين بالأمن وبالأمان.
ما رأيك فى قرار مقاطعه الأعمال التركية؟ طبعا كان قرار مهم جدا بس كانت هوجة ودلوقتى رجعت تانى الأعمال التركية.
هل يزعجك ظهورك فى فترة كهذه بها العديد من الوجوه الجديدة التى ظهرت على الساحة؟ لا طبعا دة بالنسبالى حاجة مهمة عشان يبان إنى متعددة الادوار.
هل لديك لقب فنى تحبينه؟ لا معنديش
من قدوتك من ممثلات الزمن الجميل؟ نعيمة عاكف
فنان تتمني أن تقدمي دورا أمامه.. كتير والله زى السقا وهنيدى ويسرا ومنة شلبى وهند صبرى وكتير غيرهم.
البطولة المطلقه هل هى حلم بعيد أم قريب من منة جلال؟ مش من اهتمامتى دلوقتى البطولة المطلقة لان الدور الحلو بالنسبة لى بطولة.
ماذا يمثل لكِ الفنان شفيق جلال وبماذا استفدتِ من صله القرابة معه؟ الفنان شفيق جلال هو خالى وهو سر حبى للناس لأنى اخدت منه طيبة قلبه وحبه للناس والتواضع دول اهم حاجة اخدتها من خالى وامى ربنا يخليهالى.