اخر اخبار مصر اليوم : آسف يا ريس تشتت أنصار حمدين وأبو الفتوح

فى إطار حملتها لتأييد الفريق أحمد شفيق فى انتخابات الرئاسة، وبعد تأكد الإعادة بينه وبين الدكتور محمد مرسي، دعى أحد أعضاء صفحة " آسف يا ريس ".
وتدعى " مسلمة محمد" لتغيير البروفايلات الخاصة بأعضاء عدد من مؤيدي الفريق شفيق ووضع صورة لحمدين صباحى للإيهام بأنهم من أنصاره ومؤيديه ومهاجمة الصفحات الخاصة بأبو الفتوح .
وقد سادت الصفحة أجواء احتفالية بين أعضائها الذين تبادلوا التهانى، تقول مشاركة:" صباح مبارك وصباح شفيق وصباح الأمل، صباحنا فل"، وتقول مشاركة أخرى:" هههههههههههههه مبسوط انت انا عارف البلد طلعت كلها فلول"، وتقول مشاركة أخرى من شخص يدعى مراد فلول:" صباح مبارك و صباح ملئ بنسائم الحرية مع الفريق شفيق يا فلول والله أجدع وأرجل فلول"، وتقول أخرى لشخص يدعى أحمد الطوخى:" والله أنا بقيت بحب كلمة فلول دى عشان شكلهم هما الحق والحق انشاء الله هينتصر منورين يافلول"، وتقول مشاركة لشخص يدعى كريم رشاد: " اوعوا حد يكون نام يا جماعة الفترة اللى جاية دى لازم كلنا نصحى اللى بيحسب ان الموضوع كدة انتهى وان الاعادة مع مرسى معناها فوز أحمد شفيق يبقى غفلان، الحرب بدأت من دلوقتى وحرب شرسة جدا وصعبة ولازم نبقى صاحيين عشان الكورة متضيعش من ملعبنا ومنخسرش اللى كسبناه"، ويضيف: " ياجماعه دلوقت لو عاوزين الفريق احمد شفيق يكون رئيس مصر، مكانا على النت مش هاينفع دلوقت خالص، يعني زي ما الثوره بدأت من الحواري والمناطق الشعبية وفهمت المواطن البسيط واقنعته ده اللي عاوزين نعمله دلوقت، ننزل الشارع نفهم الناس مين هما الاخوان، ومين هو الفريق احمد شفيق ، نوعيهم بدون إلحاح، ياريت المتفق معايا في كده يكتب كومنت، او ممكن "عمرو مصطفى " يحاول يضبط الفكرة دي ويقولها بالطريقة بتاعته، عشان نجمع اكبر عدد من الناس اللي بتعرف تتكلم وتقنع الناس عشان نقدر نجمع أكبر عدد أصوات، لأن حاليا هما بيعملوا كده بيلعبوا على الجانب العاطفي للشعب، ياريت نلحق قبل مانضيع كلنا".