حازم إمام لاعبي الزمالك كانو فايقين امام سيراميكا كليوباترا والصقر مينفعش باتشيكو يمشي وغلط كارتيرون يرجع

تحدث حازم إمام نجم الزمالك الأسبق عن فوز الفريق اليوم على سيراميكا كليوباترا بهدفين دون رد في إطار منافسات الدوري المصري الممتاز هذا الموسم.
وقال حازم إمام في تصريحاته إن الزمالك قدم مباراة قوية خاصة في الشوط الأول وما يميز الزمالك فكرة التحول الهجومي السريع.
أضاف: "لاعيبة الزمالك فايقة قدام الجون عكس المباريات اللي فاتت ولكن بالنسبة لي جنش هو نجم المباراة وفي اوقات كتير أنقذ الزمالك من أهداف كانت هتغير مسار الماتش"
وتابع: "الجون اللي جه بدري لبن شرقي السر في حسم الزمالك للمباراة بسهولة ده بالإضافة لخطة هيثم شعبان اللي مش بتعتمد غير على ديفندر واحد وده سهل المهمة على الزمالك"
من جهة أخرى رفض أحمد حسن نجم منتخب مصر الوطني الأسبق فكرة رحيل باتشيكو والتعاقد مع كارتيرون في الوقت الحالي.
وقال أحمد حسن في تصريحاته:" قرار خطأ لو جه كارتيرون في الوقت الحالي باتشيكو الراجل عامل شغل مع الفرقة في أخطاء طبعا ولكن مينفعش اجيب مدرب من الدار للنار حتى لو عارف اللعيبة كلها على الاقل خالص كان بعد ماتش الترجي عشان مصعبش المهمة على نفسي وعلى من أخطأ واتخذ القرار بعودة كارتيرون في الوقت الحالي ان يصحح من خطأه وباتشيكو بيدي رسايل غير مباشرة انه راجل شغال ومحترف"
وحول المباراة قال:"ساسي مميز للغاية وكان نقطة التحول المميزة في مستوى الزمالك اليوم والدليل الاتنين أسيست وكمان فكرة استغلال الزمالك للفرص أمام المرمى"