«الفضايح سهلة».. طليقة أحمد مكي تثير الجدل بكواليس انفصالهم

أثارت خبيرة التجميل مي كمال الدين طليقة الفنان أحمد مكي الجدل خلال الساعات القليلة الماضية بعد ردها على الانتقادات التي وجهت لها بكشف خصوصية الأخير وإعلان كواليس حياتهم الشخصية وانفصالهم وهو الأمر الذي طالما حافظ على خصوصيته مكي بعيدا عن الأضواء.
وأوضحت مي كواليس الطلاق في ردها على المنتقدين قائلة عبر خاصية استوري على صفحتها الشخصية على انستجرام: « في حديث آية المنافق ثلاث إذا حدث كذب وإذا عاهد أخلف وإذا خاصم فجر والصفات دي مش هتكون فيا لو على موتي».
وتابعت: «أولا خصوصية إيه اللي أنا محترمتهاش هل أنا نشرت شيء خاص بيني وبين أحمد.. هل أنا خرجت وشتمت أحمد.. هل قولت فيه كلمة تعيب فيه زي ما البعض وأغلب الناس والمشاهير تحديدا بيعملوا كده في وقت الخلاف» مضيفة: «على فكره الآلية سهلة والفضايح سهلة بس مش من طبعي ولا تربيتي أنا اتقيت ربنا في نفسي وفيه».
اقرأ أيضا: بعد تألقها في حفل لندن.. إيهاب عبد الواحد يوجه رسالة ل«أنغام»
واستكملت قائلة: «إيه كمية التهم اللي نازلة ترف عليا وأنا اقتحمت خصوصيته وخلفت العهد.. مختصر الكلام فيه حاجة أنا موضحتهاش أنا مفيش أي تواصل بيني وبين أحمد بعد وفاة والدته إلا بعد شهرين وحصل خلاف كبير جدا خلى حتى اللي بينا يروح في حتة مكنتش أنا متخيلاها».
وأضافت كاشفة كواليس انفصالهم قائلة: «وقتها رضيت وسكت واحترمت أزمة وفاة والدته جدا لأن أنا بحبها وبحترمها جدا الله يرحمها طلبت منه برد جزء من اللي بيحصلي من ناس من طرفه مكنش فيه أي رد فعل منه اكتشف بعد شهور تحديدا يوم عيد ميلاده فيديو ملهوش أي لازمة إن أحمد له علاقة ب حد معين وبعدها فيديو ينزل ليا بصوري وإن أنا عروسة أحمد مكي».
وتابعت مؤكدة إنفصالها عن أحمد مكي قائلة: «حاولت التواصل وفهم ليه بيحصل كده؟ حاولت أكتب موضوع ونشرت قبل كده والله أنا منفصلة عنه وبرضه المشاكل وقلة أدب من اللي حواليه مرحمتنيش ومسدجات خاصة بينا وأمور خاصة بينا اتعرفت عند اللي حواليه معرفش منين أنا اتصدمت جدًا».
وتابعت:« إزاي ودي بيني وبينه هو فقط بعتله إني ساكتة احتراما لوالدته وأخوه الكبير فقط مش أكتر ولحد دلوقتي بعمل كده علشان والدته وأخوه فقط فسبب كلامي وأنا مبحبش أبان ضعيفة أو مكسورة أو أصعب على حد ولا بحب الصعبانيات فعلا بحترمه وبقدر الخير الى بينا».
وأختتمت حديثها معلنة غضبها من الشائعات قائلة: «مينفعش أنا أو هو مهما كان بينا يتقال كلام أكاذيب زي الي سمعتها من اللي حواليه عارفة أنه اضايق بسبب موضوع السوشيال ميديا بس ليه الهوجة مطلعتش وقت أن اتقال عروسة أحمد مكي أنا برد جزء كبير من نفسيتي اللي تشوهت وحتى الآن أنا شايلة اسم أبويا الله يرحمه».
وأضافت:«مش فارقلي حد هل طلبت حق من أحمد أو يرد لي ربع اللي عملته معاه؟ أحمد نفسه عارف إنه مشفش مني غير كل خير وأنا كذلك هفتكر له الخير في الأصول احتراما لوالدته الله يرحمها وتقديرا لها».
بداية الأزمة
وكانت الأزمة قد بدأت مع انتشار أخبار تؤكد احتفال أحمد مكي بزواجه على خبيرة التجميل مي كمال الدين قريبا ودخوله للقفص الذهبي مجددا بعد انفصاله عن زوجته وأم ابنه لتثير هذه الأخبار الجدل خاصة مع صمت الطرفين ولكن خرجت مي لتوضح حقيقة هذه الأخبار وتكشف عن مفاجأة جديدة للجمهور.
وكتبت عبر خاصية الاستوري على صفحتها الشخصية ب «انستجرام» قائلة: «أنا وأحمد منفصلين وكل الأخبار المتداولة عن غير ذلك غير صحيحة» لتكشف عن انفصالها عن مكي وليس زواجها لتبدأ بعدها سلسلة من التصريحات والكواليس في الغعلان عنها بكواليس الزواج والإنفصال.