السيسي: نجهز 800 ألف فدان للزراعة في سبتمبر.. و500 ألف أسرة ستستفيد من مشروعات سيناء

قال السيد الرئيس عبد الفتاح السيسي إن الأراضي الزراعية التي يعلن عنها تحتوي على جهد كبير وتكلفة عالية، موضحًا أنها في النهاية تصبح مشروعات متكاملة وجاهزة للعمل.
وأضاف: "من المهم جدًا لما نقول إننا عايزين ال500 ألف فدان في سيناء يدخلوا الخدمة، إن محافظ شمال سيناء ومحافظي بورسعيد والإسماعيلية، والتنمية المحلية، والكهرباء، والري، والزراعة، كلهم يكونوا موجودين وشغالين. لأن دخول ال500 ألف فدان السنة دي غير لما يدخلوا السنة الجاية".
جاء ذلك خلال مداخلة السيد الرئيس، اليوم الأربعاء، في فعالية حصاد القمح بمشروع "مستقبل مصر" للإنتاج الزراعي، والتي نقلتها قناة "إكسترا نيوز".
وأوضح السيد الرئيس أن استصلاح 500 ألف فدان إضافية في سيناء يعني فرص عمل لنحو 500 ألف أسرة، مؤكدًا أن: "الطرق والأنفاق اللي اتعملت، والكهرباء، وخط السكة الحديد اللي اتمد لحد العريش وهيكمل لطابا، كل ده مليارات صرفناها، واللي هيستفيد منها أهل سيناء، وكمان الناس في الدلتا اللي هتجيلهم المنتجات الزراعية".
وأضاف: "منتظرين في سبتمبر القادم إدخال 800 ألف فدان للخدمة، أنا عارف إن في شغل بيتعمل على الأرض، ما بين الطاقة والبنية الأساسية، والمفروض يخلص في يناير اللي جاي، فبقول للناس، سواء قطاع خاص أو الدولة، لازم نحط إيدينا في إيدين بعض، علشان في أغسطس الجاي تكون الأراضي دي كلها جاهزة للزراعة".
ويشهد السيد الرئيس عبد الفتاح السيسي اليوم انطلاق موسم حصاد القمح من داخل مشروع "مستقبل مصر" للإنتاج الزراعي بمنطقة الضبعة، إلى جانب تدشين المرحلة الأولى من مدينة "مستقبل مصر الصناعية".