منة فضالي تكشف معاناتها في 2024: «أمي جالها سرطان»

كشفت الفنانة منة فضالي، عن تفاصيل إصابة والدتها بمرض السرطان، من خلال منشور عبر حسابها الرسمي على موقع التواصل الاجتماعي «فيسبوك».
وكتبت منة فضالي: "سنة كان فيها الحلو والوحش برضو بس دايما بقول الحمدلله على كل حاجة تيجي بس دايما لازم يكون عندنا أمل في الحياة، مهما كان اللي بنمر بي دايما نقول يا رب وربنا كبير ممكن ظروفنا مش شبه بعض وحياة كل شخص غير التاني بس في الآخر كلنا واحد وإحنا اللي بنغير و بنختار حياتنا اللي إحنا عاوزينها".
وتابعت: "اللي عايزة أقوله من كل ده إن مفيش حاجة هتتغير غيرنا إحنا بنموت وبيتولد غيرنا في مجتمع وتفكير تاني غيرنا، نحاول نحمد ربنا على أي حاجة ربنا مديهالنا أنا بالنسبالي كانت سنة فيها شغل آه وسفر وحاجات كتير، بس كان فيها أوحش حاجة، إن أمي جالها سرطان، وعشت فترة صعبة برغم إنها كانت في المستشفى، كنت بصور في نفس الوقت لو مكنتش بنام يعني في الآخر الحمدلله على كل شيء".
واختتمت حديثها قائلة: "كل سنة وإنتم طيبين وسنة سعيدة عليكم يارب، وعلى كل أحبابكم وكل اللي نفسه في حاجة تتحقق يا رب شكرا لكل حد وقف جنبي أو ساعدني من بعيد أو قريب، شكرا لكل الناس اللي اشتغلت معاهم و يا رب دايما أكون عند حسن ظنكم في شغلي شكرا لجمهوري والفانز والإعلاميين وكل الناس اللي بتشجعني دائما".
وكانت منة فضالي، أعلنت في مارس 2024، عن مرض والدتها، عبر صفحتها على موقع فيسبوك، وكتبت: "أنا أمي كان عندها كانسر في القولون وشلنا 90% منه عملنا تحويل مسار وحوار طويل جدا، ولسه مكملين في المستشفى بس إن شاء الله تتحسن".
وكشفت منة فضالي مؤخرًا في تصريحات صحفية ل "بوابة أخبار اليوم" عن مصير الجزء الثاني من أحداث مسلسل جعفر العمدة والذي حقق نجاحا كبيرا في الجزء الأول.
وقالت:"مفيش جعفر العمدة 2 ونفسي اشتغل مع محمد رمضان تاني ووحشني الشغل معاه".
وتحدثت منة فضالي عن تفاصيل تكريمها في حفل توزيع جوائز من تصويت الجمهور " قائلة: "سعيدة بتكريمي النهارده وسط زمايلي ونجوم كبار وبباركلهم كلهم علي التكريم وفرحانة لكل الناس الي بتتركم".
وعن أعمالها في سنة 2025 قالت :" ان شاء الله بشارك في سيد الناس هينزل في سنه 2025 وفي مسلسل أسمه "أزمة ثقة وده بعد رمضان ".
وكانت آخر أعمال الفنانة منة فضالي، هو مسلسل «جعفر العمدة»، الذي عرض في الموسم الرمضاني 2023، وشارك في بطولته مجموعة من النجوم أبرزهم: محمد رمضان وزينة، هالة صدقي، إيمان العاصى، مي كساب، أحمد داش، منذر رياحنة، عصام السقا، فريدة سيف النصر، مجدى بدر، أحمد فهيم، فتوح أحمد سلوى عثمان، فريدة سيف النصر، جورى بكر، طارق النهرى، أحمد عبد الله، إحسان الترك، ومن تأليف وإخراج محمد سامى، وشارك فى السيناريو والحوار مهاب طارق.