ابنة بشير الديك تكشف الحالة الصحية لوالدها

كشفت دينا ابنة السيناريست بشير الديك، عن تطورات الحالة الصحية لوالدها، مشيرة إلى دخوله العناية المركزة بعد أن عادت حالته الصحية تسوء.
وكتبت دينا بشير الديك تفاصيل الحالة الصحية لوالدها عبر صفحتها الشخصية على فيسبوك قائلة :«للأسف بابا دخل تاني الرعاية في مستشفى.. والمرة دي الموضوع بقى مختلف خالص.. للأسف حالته بعدما كانت بتتحسن شوية بقت ترجع تسوء تاني».
وتابعت:«المشكلة في الإهمال وعدم الاهتمام.. رحنا إمبارح وقت الزيارة لقينا بابا زاد عدم وعيه وذراعه وارم جدًا وبيؤلمه ومحدش كان واخد باله والمفروض إنه في الرعاية» مضيفة :«المشكلة التانية أنه بقى لا قادر يمضغ الأكل ولا يبلعه ده غير أنه كان جعان على غير العادة لأنه بالرغم من عدم قدرته على المضغ ولا البلع لكنه أول ما بدأ يأكل بدأ وعيه يزيد».
إقرأ ايضا: عائلة تامر حسني في حفل تكريم الراحل محمد رحيم بدار الأوبرا
واستكملت قائلة :«إزاي دي رعاية.. ومن كتر قلق ماما وعدم ثقتها في الخدمة المقدمة اللي هي مش رخيصة بالمناسبة بقت بتشوف الأدوية اللي بياخدها وبتعرف تأثيرها والآثار الجانبية بتاعتها، وبدأت تناقش الدكاترة في الأدوية دي راح دكتور الرعاية المحترم المتواجد ساعتها قال لها: "لو مش قادرين على مصاريف المستشفى روحوا مستشفى تانية".
وأضافت دينا بشير الديك قائلة :«هل دا رد محترم لدكتور رعاية في مستشفى معروفة بتميزها في الرعاية؟» واختتمت حديثها قائلة :«إن شاء الله نخرج منها على خير ونروح مستشفى تانية في أسرع وقت.. برجاء الدعاء لبابا أنه يقوم بالسلامة ويخرج من النفق المظلم اللي هو فيه دا.. آمين».
آخر أعماله
يذكر أن أخر أعمال السيناريست بشير الديك، هى قصة مسلسل «الطوفان» الذي تم عرضه عام 2017 من بطولة وفاء عامر وأحمد زاهر وروجينا وماجد المصري من إخراج خيري بشارة.