مصطفى قمر يرد على طارق الشناوي: «انت اللي جبته لنفسك»

رد الفنان مصطفى قمر، على تصريحات الناقد الفني طارق الشناوي، والتي هاجم فيها آخر اعماله فيلم "أولاد حريم كريم".
ونشر قمر عبر حسابه الرسمي على موقع الصور والفيديوهات "إنستجرام"، تغريدة قائلًا: "هو انا مش طلبت منك تبعد عني اصلا ومتتكلمش على أعمالي، عشان متتهزأش".
وأضاف: "عمومًا ياللي اسمك طارق انت اللي جيبته لنفسك، كاتب كلام أهبل يدل للمرة المليون إنك ماشفتش الفيلم، وعموما اللي حيرد عليك السينما، اللي دخل الفيلم اللي مالوش دعوة بالنفاق أو مصلحة أي فيلم تاني، فكرني كدة شغلتك ايه؟".
وعلى صعيد متصل، أبدى الناقد طارق الشناوي، رأيه في فيلم "أولاد حريم كريم"، بطولة الفنان مصطفى قمر، والذي يعرض حاليا في دور العرض المصرية.
وقال طارق الشناوي خلال تصريحات تليفزيونية: فيلم أولاد حريم كريم من أسوأ الأفلام والأعمال الفنية، والفيلم اتعمل بطريقة فيها تراجع، وملوش علاقة لا بالجزء الأول ولا بفن السينما اللي بنعيشه دلوقتي.. ومصطفى قمر مشكلته إنه عايش على الزمن القديم.
وأضاف: "الوحيدة اللي كانت لها اسم ووهج ياسمين عبد العزيز، عشان كده هي الوحيدة اللي قالت لا، عشان مش هتقبل تكون موجودة نصف بطلة أو خُمس بطلة.. مشكلة مصطفى قمر إنه عايش على الزمن القديم، مثلا عبد الحليم السينما فكرت فيه لما عمل غنوة على قد الشوق، فاتعمله فيلم مع شادية لأنه كان ناجح كمطرب".
ويشارك في بطولة فيلم أولاد حريم كريم العديد من الفنانين أبرزهم الفنان مصطفى قمر، داليا البحيري، بسمة، بشرى، علا غانم، ريهام عبد الغفور، تيام مصطفى قمر، رنا رئيس، وآخرون، والعمل من إخراج علي إدريس.