قال الرئيس عبد الفتاح السيسي، خلال لقائه بأهالي قرية الأبعادية، خلال زيارته للقرية لافتتاح عدد من المشروعات ضمن مبادرة حياة كريمة: "موضوع الصناعة شغالين فيها جامد أوي ونعتبر إنها فرصة كويسة للتشغيل وتزويد شغل الناس وتزويد الناتج المحلي ولو صدرنا يجينا دولار ولو كفينا مش هنشتري بالدولار". وأضاف: "قلت في مؤتمر في زامبيا إن كل ساعة الدولة تقضيها في اقتتال دا خراب سنين بدل ما تختلف معايا اشتغل، من حقك تختلف وترفض بس اشتغل.. اشتغل اشتغل اشتغل". وتابع الرئيس السيسي: "مصر جميلة بالله.. شوفوا يا مصريين كلكوا كل ما هتصبروا وتقولوا يارب وتشتغلوا ربنا هيغير حالنا للأحسن". واستكمل: "اللي بيتولي الأمور هو ربنا سبحانه وتعالى.. وهو المهيمن.. كدولة بنجري على أد طاقتنا والله العظيم أكثر من طاقتنا.. ومش جهدنا بس لكن بيكوا أنتوا كمان". واستطرد الرئيس السيسي: "الناس بتتكلم على الطرق لأنهم اتعودوا أن لازمته إيه.. دي خطة.. عايزين تحاسبوا حاسبوا الدكتور مصطفى لأنه كان ماسك التخطيط العمراني على الدولة المصرية وكان بيقول عايز اعمله مش قادر.. أديك قدرت يا دكتور جبتلنا الكلام". اقرأ أيضا| تصل ل50 ألف جنيه.. طبيبة تشكر الرئيس على توفير أدوية باهظة الثمن للمواطنين