طفل مسلسل تحت الوصاية لطه الدسوقي: «مش هنسهالك العمر كله»

كشف الفنان عمر شريف عن سعادته وامتنانه الشديد للممثل الشاب طه الدسوقي، مؤكدا أنه سعيد للغاية بهذه الفرحة.
وكتب عبر حسابه الشخصي على موقع "فيسبوك": "امبارح كنت مدعو لاحتفال توزيع جوائز رمضان وتم اعلان عن جوايز أحسن ممثل صاعد وفاز بيها الفنان طه دسوقي اللي انا بجد بحبه أوي".
وأضاف: "اتفاجأت لما طه طلع على المسرح عشان يستلم جائزة الفنان أحمد أمين انه بيقول اسمحولي اهدي جائزة احسن ممثل صاعد لعمر شريف وده اللي أنا كاتب البوست عشانه، أنا مش عارف أوصف اللي حسيت بيه في اللحظة دي بأي كلام بجد دي لحظة عمري مهنساها في حياتي.. كنت بجد مبسوط أوي أوي.. عمري محسيت أني مبسوط في حياتي زي اللحظة دي".
وتابع عمر شريف: "شكرا جدا طه دسوقى انك فرحتنى الفرحه دى، ودى حاجه انا مش هنسهالك العمر كله انا بحبك اوى، شكرا استاذ شاكر على الحضرتك وصلتنى لى كل ده بفضل مجهودك ونصايحك وثقتك فيه".
واستطرد: «شكرًا أستاذة منى على كل حاجة وعلى النجاح اللى حققته عشان مثلت مع ممثله عظيمه زيك، شكرا أستاذ عمرو سلامة على كل حاجه عملتها وهفضل اشكرك فكل مره هحس فيها بفرحه ونجاح لانك دايما هتكون سبب كبير فيها وانا حبى ليك كبير اوى».
في لفتة انسانية شهد حفل توزيع جوائز المسلسلات الرمضانية 2023، إهداء الفنان طه الدسوقي، جائزة أفضل نجم صاعد التي حصل عليها، للطفل عمر الشريف بطل مسلسل «تحت الوصاية» بطولة الفنانة منى زكي.
وصعد عمر شريف على خشبة المسرح لاستلام جائزته من طه دسوقي، وانهار من البكاء ثم سجد على الأرض شكر لله، تعبيرا عن سعادته بعد حصوله على الجائزة.