عمرو أديب: الأهلي كسر نحسه النهاردة.. ولو الزمالك فضل كدا مفيش دوري تاني

توجه الإعلامي عمرو أديب بالتهنئة لفريق كرة القدم بالنادي الأهلي، بعد التتويج بكأس السوبر المصري على حساب فريق الزمالك بهدفين دون رد، في المباراة التي أقيمت على ملعب هزاع بن زايد في دولة الإمارات.
وقال "أديب"، في لقائه ببرنامج "الحكاية"، المذاع عبر فضائية "ام بي سي مصر"، اليوم الجمعة، إن الأهلي كان الأفضل من فريق الزمالك وكان متميزًا بفضل اللياقة البدنية وخطة المدرب مارسيل كولر وتشجيع جماهير الاهلي، متابعًأ: "كان في بيقولي الأهلي كسب بفضل روح الفريق قولتله لا مش روح الأهلي، الأهلي كسب بفضل الخطة واللياقة وكان في إصرار وعزيمة وانتحارية.. لاعبو الأهلي كانت بتلعب بشكل انتحاري".
اقرا ايضا|عمرو أديب: الزمالك مكنش عنده روح.. والأهلي لعب مباراة السوبر بشكل انتحاري
وأضاف: "الزمالك نازل وهو بيلعب واثق زيادة عن اللزوم وحاسس بالنصر زيادة عن اللزوم، وواضح أن فيريرا المدرب لم يؤهلهم، متخيلين أن الفانلة الزرقاء هتجيب البطولات ونازلين يكسبوا بالفانلة الزرقا.. أهي بقيت ليلة زرقا على دماغنا كله".
وأكمل: "فيريرا بيلعب بخطة جديدة لسة محدش فاهمها وبيلعب ب8 في الدفاع، لكن الأهلي بيلعب على كل رجل وكل كورة وانتحارية وبيشترك في كل كورة، بينما الزمالك كان بيلعب بالشوكة والسكينة".
وتابع " اللي تعب هو الأهلي، لغاية آخر لحظة اللاعيبة كلها صح وبتلعب في مراكزها صح، ونص لاعبي الزمالك بيلعبوا في مراكز غلط".
وتساءل عمر أديب " من امتى شيكا بيلعب شمال وزيزو بيلعب رأس حربة؟ وكله كان غلط وكله كان شمال وتعبان ومكنش قادر، وكان عنده حالة نازل هيجيب الكأس على ميت عقبة".
وأضاف : "الزمالك خسر بجد، عادة أقول أن حظ الأهلي نار.. الأهلي كان نار مش حظه اللي نار.. ولغاية آخر لحظة بيلعب وبيكافح، لو الزمالك هيفضل كدا اعمل حسابك مفيش زمالك السنة دي ولا دوري ولا كاس"، متابعًا: "الأهلي كسر نحسه النهاردة واعرف بقى لما الأهلي بيكسر نحسه بيحصل ايه.. والأهلي لما بيتفتح معاه الحظ قول يا رحمن يا رحيم".