استهل الإعلامي عمرو أديب، حلقة برنامجه بتوجيه التهنئة إلى النادي الأهلي وجماهيره بعد تحقيق الفوز على فريق الزمالك بثنائية نظيفة وتتويجه بطلًا لكأس السوبر المصري.
وقال "أديب" خلال تقديم برنامجه "الحكاية" المذاع على فضائية "إم بي سي مصر" مساء اليوم الجمعة: "قبل ما أقول أي حاجة أتوجه بالتهنئة للنادي الأهلي فريق وجمهور ويمكن وقت الماتش كان فيه حد بيكلمني أصل روح النادي الأهلي".
وأضاف "الزمالك مكنش عنده روح النهاردة. الأهلي كان عنده لياقة وخطة النادي الأهلي وجمهوره. الأهلي كان فيه لياقة ونفس وإصرار وعزيمة وانتحارية اللاعيبة بتلعب بشكل انتحاري".
وتابع "قعدنا نقول نلبس الأزرق ولبسنا وبقت ليلة زرقاء وكحلي علينا. الراجل فيريرا بيلعب بخطة جديدة لسة محدش فاهمها بيدافع ب8 لاعيبة".
واستطرد "الأهلي بيلعب على كل رجل وكل بيدخل على كل وبيلعب على الزمالك اللي بيلعب بالشوكة والسكينة. مفيش الالتحام القوي والروح العالية".
وأردف "الزمالك داخل أنا كاسب بطولتين أنا جاي اكسب واخذ كأس السوبر. اللي تعب لاعيبة الأهلي كلها صح لأن نص الزمالك كان يلعبوا في مراكز غلط".
واستكمل حديثه "الأهلي اللي كان نار مش حظه اللي نار. الزمالك يقولك إحنا أبطال الدوري مش عارف ايه. لازم تتغلب حقًا وصدقًا لا حكم ولا أرض ولا جمهور ولا أرض ولا أعمال ولا فانلة".
وتابع "الأهلي كان أحسن ولو ناويين تفكروا كده انسى دوري وكأس. الأهلي كسر ضربة البداية وكسر نحسه".