تحدث الرئيس عبدالفتاح السيسي، عن أدبيات وثقافة البعد البيئي للدين، قائلا: "أنا والله العظيم لا أقصد أي حاجة علشان محدش يزعل، كنا بنتكلم على أهمية تصويب وإصلاح الخطاب الديني، فمرة قلت يا جماعة الواقع اللي بنشوفه في منطقتنا والفهم والممارسات الدينية اللي موجودة في بلدنا محتاجة إعادة طرح فهم عصري، ليس في ثوابت الدين، ولكن لفقه يتعامل مع المتغيرات والتحديات في كل مجتمع بس". وأضاف الرئيس السيسي خلال الجلسة الختامية للمؤتمر الاقتصادي مصر 2022، "أنني اتكلمت عن وثيقة الطلاق وتبقا مكتوبة لحماية حقوق الناس وبعدين من غير ما اذكر اسم او أسماء احنا طرحنا الموضوع ده على لجة علمية متخصصة نسبة كبيرة واقفت ونسبة صغيرة قالت لا طيب لماذا لم تقره؟ قالوا أصل أنت قلته ولما تقولوا انت ولو احنا وافقناك يبقا بندعم السلطة". وأكد الرئيس السيسي أن الكلام ده يعكس الفهم اللي محتاج يتطور تجاه يعني ايه دولة ويعني إيه دور؟ لو انت دايما حطتني في مكان وانت في مكان تاني ده مش حقيقى صح احنا دايما مع بعض..مجرد لما طرحته بقا غير قابل للتنفيذ لأحسن يقولوا إيه دا انت مشجع لأيه؟ يعني تسيب الحق لأجل الكلمة دي؟. ويختتم المؤتمر الاقتصادي- مصر 2022 فعالياته اليوم الثلاثاء، بعد أن ناقش أوضاع الاقتصاد المصري ومستقبله. ومن المقرر أن تشهد فعاليات اليوم الأخير انعقاد جلسة بعنوان "خارطة طريق لتطوير قطاع الصناعة تحديات وآليات تحفيز القطاع" بحضور الدكتور مصطفى مدبولي رئيس مجلس الوزراء، والمهندس أحمد سمير وزير التجارة والصناعة، كما سيشهد اليوم عقد الجلسة الختامية للاعلان عن التوصيات التي تمثل خارطة طريق لمستقبل الاقتصاد المصري. جدير بالذكر أن المؤتمر الاقتصادي نظِّمته الحكومة المصرية خلال الفترة من 23 إلى 25 أكتوبر 2022 بتكليف من الرئيس عبدالفتاح السيسي، رئيس الجمهورية؛ وذلك بمشاركة واسعة من نخبة من كِبار الاقتصاديين، والمفكرين، والخبراء المتخصصين.
