محمود الليثي عن أغاني المهرجانات: أنا ضد الكلمة الوحشة اللي تبوظ عيالي

أكد المطرب محمود الليثي، أن فن المهرجانات لون جديد فُرض على المجتمع ولكنه يقدم شيئاً جيداً، موضحاً أن رفض فقط لأغاني المهرجانات التي تحمل كلمات سيئة، قائلا: "مطربي المهرجانات لون اتفرض وجميل وبنقولهم حاجة كويسة ولكن أنا ضد الكلمة الوحشة اللي تبوظ عيالي".
وكشف المطرب محمود الليثي، خلال حواره ببرنامج "حبر سري" مع الاعلامية اسما ابراهيم، على قناة القاهرة والناس، عن استضافته جلسة خاصة فيها عمر كمال وحسن شاكوش وحمو بيكا بعد نجاحهم الكبير، مضيفا: "قلت لهم أنتم نجحتوا ودلوقتي نرتقى بالكلمة بقى وأنا عملت ده عشان مصر".
اقرأ أيضاً| محمود الليثي: محمد رمضان ناجح في المهرجانات.. و«عمري ما شربت سيجارة»
وتابع: "لازم كلنا نساعد ونخلي صورة مصر حلوة وبيكا وشاكوش وعمر كمال سمعوا كلامي ومعملوش ولا حرف غلط، ولكن في ناس تانية بتركب الترند وأنا مش ضد أي لون ينجح وانا ضد انك تبوظ بيتي وعيالي واسم مصر"
وذكر محمود الليثي، أن خلطة الأفلام التي يقدمها السبكي وتتكون من مطرب وراقصة لم ينخفض مستواها من ناحية الإيرادات، قائلا: "خلطة السبكي بتاعة المطرب والراقصة بتجيب فلوس كويس ومستواها لم يقل عن الأول وبتكسر الدنيا وكل واحد له رزقه بتاع ربنا".
وأوضح أن الأفلام التي يقدمونها في العيد أصبح لها جمهور وخلطة ستظل مستمرة، مضيفا: "احنا مش ممثلين بس ربنا منحنا إننا نبقى ممثلين وننجح والخلطة اللي بيعملها السبكي عمرها ما هتروح من مصر".
وتابع: "خلطة السبكي ستظل في السينما لأن الشعب المصري بيحب الفرحة والافيهات اللي بنعملها في الأفلام"، لافتا إلى أن قصص الأفلام التي يقدمونها فيها قصص من الشارع المصري البسيط.