تراشق بين نشوى مصطفى وميار الببلاوي.. والسبب مسلسلات رمضان

شهدت السوشيال ميديا خلال الساعات الماضية حالة بين التراشق بين الفنانة ميار الببلاوي والفنانة نشوى مصطفى بسبب انتقاد الأخيرة مشاركة الأولى في أحد الأعمال الفنية التي ستعرض في رمضان المقبل 2021.
وكانت «ميار الببلاوي» انتقدت أهل الفن العام الماضي لانشغالهم في تصوير المسلسلات في شهر رمضان باعتباره من اللهو.
بداية الأزمة عندما كتبت نشوى مصطفى عبر صفحتها ب«فيس بوك»: «السنة اللي فاتت في نفس التوقيت زميلة عزيزة محجبة قالت نصاً أي ممثل بيشتغل في رمضان حرام عليكم سيبوا لنا رمضان نتعبد فيه واستعدت الناس على زمايلها اللي بيمثلوا مسلسلات رمضان وزعلت منى لما دخلت عاتبتها، الدهشة إنها السنة دي مشتركة في مسلسل بتمثله دلوقتي هيتذاع في رمضان.. أكيد هى حرة بس فكرة تغيير المواقف حسب المصلحة لفت نظري».
«ميار الببلاوي» لم تصمت على ما قالته نشوى مصطفى لترد قائلة: «أتفاجئت من بعض المتابعين ليا على ال«فيس بوك» بعتولى إسكرينة بكلام منشور من زميلة محترمة بتروج إشاعة معرفش ايه مصدرها ولأن مش متابعاها، للاسف مخدش بالي أنا معرفش هى بتتكلم عن ايه بس انا لا تعليق ولازم كلنا نفهم أن محدش بياخد رزق حد وكله بأيد ربنا واحتراما لروح الزمالة اللى بينا والأيام الفضيلة اللى احنا فينا لا تعليق على كلامك واتمنالك الهداية».
ولم تكن هذه المرة الاولى التي تتعرض فيها «ميار الببلاوي» للهجوم من قبل نشوى مصطفى ففي العام الماضي هاجمتها وفي منشور لها عبر فيسبوك قالت فيه: "ودي زميلة ممثلة ومش معتزلة على فكرة لأن قريب كانت بتمثل عادي، والأخت مش عارفة إنه حرام تغتاب زميلة ليها وحاطة صورتها.. لا حول ولا قوة إلا بالله""، هو أنتي يا ميار اعتزلتي التمثيل؟ أصلك لحد قريب كنت عارفة أنك بتمثلي عادي حتى لو في رمضان.. وبعدين الممثلين يضيعوا عليكي رمضان ليه؟ أنتي عاقلة بالغة وبعدين ياستي اجتهدي وقاومي زمايلك الشياطين اللي بيلهوكي عن عباداتك علشان الجهاد ثوابه كبير ربنا يرزقك الجنة ويهدي زمايلك الأشرار.. يا ميار حرام تستعدي الناس على زمايلك وتقولي للناس مين معايا".
يشار إلى أن آخر أعمال الفنانة نشوى مصطفى كان مشاركتها في مسرحية «عطل فني» مع النجوم: شيكو، هشام ماجد، أكرم حسني، تأليف أمير طعيمة، وإخرج أوتاكا.