تامر حسين مدافعا عن الهضبة بعد اتهامات رمضان: ياريت ننجح بشرف

رد الشاعر تامر حسين علي اتهامات الفنان محمد رمضان، بأن هناك مطرب مصري شهير وراء حملة السوشيال ميديا لمقاطعة أعماله، مؤكدًا في حواره مع وائل الإبراشي الذي عرض، مساء أمس، أن الحملة ممنهجة لصالح أحد المطربين، ليرد عليه الإبراشي هل هو عمرو دياب، ليجاوبه محمد رمضان بأنه لا يحب أن يذكر أسماء.
وقال تامر حسين، في رده علي رمضان: "الحقيقة مش عارف احنا بقينا نستحل نتهم الناس بالباطل إزاي"؟، وهل يُعقل راجل مُتربع على قمة الغناء 30 سنة ومطرب وبيغنى ويسلطن ومواكب ومتطور وشايل صناعة بحالها على كتافه ومشرف مصر بقاله سنين بسيرته وأعماله ونجاحاته وقدوة بجد للشباب ومختلف الأجيال والأعمار ومطرب كبير.
وتابع: "مش بيقول (راب) ولا دخيل على الشُغلانة حايفكر يمنع ممثل أو مؤدى من الغُنا أو حايحاربك مثلاً ... ياجماعة اتقوا الله واعقلوا اللى بيتقال الناس مش حاتتعاطف مع الهزى ده الناس بتشمئز من الكلام اللى مفيهوش ريحة المنطق ... وربنا يهدي، وأدى رد محامى المطرب عمرو دياب على الإتهام الباطل، ياريت يا أستاذ يللى بتتهم الناس بالباطل نحافظ على رموزنا الحقيقين والمؤثرين بالإيجاب ونجومنا الكبار اللى فاضلين لنا عشان لما تبقى حضرتك ناجح 30 سنة على التوالى نتشرف بيك وب انجازاتك وبسيرتك ونقف ضد اللى يمسك بكلمه، الكبير له مقامه واحترامه وتقديره... وياريت ننجح بشرف".