الرئيس يسأل كلاكيت ثاني مرة .. ومحافظ القاهرة لا يجيب

وجه الرئيس عبدالفتاح السيسي، على هامش افتتاح عدد من المشروعات القومية بمنطقة الجبل الأصفر في القليوبية، اليوم السبت، عدة أسئلة إلى محافظ القاهرة اللواء خالد عبدالعال، بينما اكتفى الأخير بالصمت تجاه تلك الأسئلة.

وقال «السيسي» لمحافظ القاهرة: «تقدر تقولي صندوق تطوير العشوائيات فيه كام؟.. طب تعرف دخل محافظة القاهرة كام؟.. طب تعرف كام كوبري اتعمل في المحافظة على مدار الأربع سنوات الماضية؟».

واكتفى اللواء عبدالعال بالصمت تجاه أسئلة السيسي، حيث تابع الرئيس: «تصدق وتُامن بالله أنا عارف دخل مصر كام بالحتة، إذا ما كنتش تعرف كل جنيه في محافظتك وإزاي تعظمه وتستفيد منه».

وأكمل الرئيس السيسي حديثه قائلا «أنا مقصدش حاجة، بس عايز أقول إنك لازم تكون عارف كل حاجة لما تقعد تتكلم مع الناس، أقولهم خلي بالكم أنا عملت كذا، والدولة عملت كذا، وده أقصى حاجة عندنا، أنا مقصدكش خالص أقصد كل زمايلنا اللي بيتكلموا مع الناس، أنا حافظ كل حاجة علشان أرد على الناس».

ولا تعد تلك الواقعة هي الأولى لمحافظ القاهرة اللواء خالد عبدالعال، حيث سبق ذلك الأمر، حديث سابق منذ 3 أشهر وتحديدا في سبتمبر الماضي خلال افتتاح عدد من المشروعات القومية.

وانتقد رئيس الجمهورية، ضعف أعمدة الإنارة في طريق مطار القاهرة الدولي، حيث وجه رسالة إلى المحافظ قائلا «سيادة المحافظ خالد.. أنا كنت قلت إن طريق المطار وده مدخل مصر.. عمدان الكهرباء فيه جزء كبير منها في مشكلة.. من فضلك راجع الموضوع ده، أنا بس بفكرك يعني».
ورد المحافظ: «تمام يا فندم.. إحنا فعلا بتوجيهات سيادتك اتنفذت»، ليعلق الرئيس: «توجيهات إيه بقى، ما أنا شفت وأنا راجع.. من فضلك يعني».