بالفيديو .. مرتضي منصور مهاجما الجبلاية: ها لعب القمة عند داعش

فتح المستشار مرتضى منصور رئيس نادي الزمالك، النار علي اتحاد الكرة قائلا "ليس لديه الجرأة ليفصح عن اختيارات النادي الأهلي للملاعب، مضيفا « لو اتحاد الكرة عندهم راجل يقول النادي اختار ملاعب إيه؟»
وكان رئيس الزمالك أعلن رفضه مواجهة الأهلي يوم الثلاثاء المقبل بالجولة السابعة عشرة بالدوري الممتاز على ستاد برج العرب.
وقال «رئيس الزمالك»: «اتحاد الكرة جه بالتزوير لو السماء انطبقت على الأرض ما هروح برج العرب ياجمال ياعلام ورحمة أمي ياجمال ما هروح تاني برج العرب، أنا يوم الثلاثاء هروح بتروسبورت وهحرر محضر ضد الأهلي في حالة عدم حضوره للمباراة في بتروسبورت عشان أنا بطبق اللائحة، عايز أعرف سبب إصرار الاتحاد على إقامة المباراة في برج العرب، وأنا كلمت وزير الرياضة عشان أعرفه».
وتابع رئيس الزمالك: « مش هروح أدفع 800 ألف جنيه معسكرات عشان مزاج الأهلي كدا والعرب اللى بيحبوا الأهلي هناك في برج العرب».
وقال رئيس الزمالك ساخرًا:« أنا مستعد التزم باختيار النادي الأهلي وأنا سأخوض مباراة القمة القادمة يالدور الثاني في اليمن، عشان أي حد عايز يختار، خلاص أنه هالعب المباراة في اليمن أو العراق أو سوريا عند داعش».
وقال رئيس الزمالك: «هو فين اتحاد الكرة حاليًا، سيف زاهر استقال وأحمد مجاهد عمال يغني على الأطلال ويلف المحافظات عشان الانتخابات، والله العظيم أي نادي ينتخب المجموعة بتاع الاتحاد يستاهل اللى يحصله».
أضاف: «مش عشان كيلو كباب و5 آلاف جنيه أروح انتخب أحمد مجاهد، مين ده اللى يمثلكوا مش ده كان موقوف سنة عشان ضرب حكم في الحامول».