ماجد المهندس يطلق أغنية "أبشر بعزك"

أطلق المطرب ماجد المهندس، أغنية خليجيه جديدة بعنوان "أبشر بعزك" كلمات الشيخ ناصر بن عبدالله بن ناصر آل ثاني و ألحان وليد الشامي، وتوزع البحريني "سيروس"
تم تسجيل الأغنية في دبي .، وتقول كلمات الأغنيه
يالعزيز اللي نويت تعز نفسك عنّي
بعد ما عَزّك خفوقي وبعد ما عزّيتك
إبشر بعزك حبيبي لجل تعرف إنّي
مثل ما لبّيت وصلك في الجفا لبّيتك
يا حبيبي انت تامر قبل تطلب منّي
كيف لا.. وانتَ علي كل البشر بدّيتك
ما أردك قرب والاّ بُعد يا مجنني
لو على روحي تأشِّر والله ما ردّيتك...
طاعتك واجب على قلبي وعليَّ لنّي
مثل ما تبغي حبيبي في المحبه جيتك
حسن ظنك في محله ولا اختلف بك ظني
راح احقق أمنياتك كثر ما تمنيتك
عشت انا السبع السمان اللي معاك وكني
ببدأ السبع العجاف .. وغنوتي: (حبيتك)
المهم انك حبيبي عايش ومتهني
والاّ انا باموت من بعدك ولا ناديتك...
جرحك الغالي بنزفه من جفاك يغني
منْه حنّ اطرافك الترفه إذا لاقيتك
لا تقل للناس جرحي.. قل لهم متحنِّي
قل لهم اني بدمي يالغلا حنّيتك
يالعزيز اللي نويت تعز نفسك عنّي
بعد ما عَزّك خفوقي وبعد ما عزّيتك
إبشر بعزك حبيبي لجل تعرف إنّي
مثل ما لبّيت وصلك في الجفا لبّيتك.