نشطاء تويترلمكي: "الإخوان باعوك"

تداول نشطاء موقع التواصل الاجتماعي "تويتر"، صورة ضوئية لاستقالة وزير العدل المستشار أحمد مكي، التي قدمها الأحد 21 إبريل.
وأصبحت كلمة "مكي" أكثر الكلمات تداولا بين نشطاء تويتر، تليها كلمة "منصبه"، وتنوعت التعليقات بين السخرية من الاستقالة و الفرحة، كما قال البعض إن مكي سبق بتقديم الاستقالة قبل التغيير الوزاري.
قالت لوزي "مكي أنا لو مكانك انط من فوق الكوبري .. الإخوان باعوك بيعة وحشة أوي "!.
وقالت رشا "ألطف حاجة إن مكي مقدم الاستقالة اعتراضا على جمعة تطهير القضاء!! هي دي الحاجة الوحيدة اللي ضايقتك!!".
وأضاف تامر "الإخوان اللي بيشتموا في مكي دلوقتي ما يفرقوش كتير عن الناس اللي كانت بتشتمه ودلوقتي حبوه علشان استقال واختلف مع الإخوان".
وتابع الهواري "بكرة هنلاقي مكي طالع في كل القنوات بيهاجم الإخوان و إنه كان ضد الاعلان الدستوري الخ زي اي مسؤل بيطلع من السلطة".
وأضاف سلامة " أحمد مكي استقال بعد ما اتأكد إنه خارج التشكيل الوزراي الجديد.. حاجة كدا زي بيدي لا بيد مرسي".
وقالت ولاء يا خسارة المستشار مكي ضيعت عمرك وتاريخك في كأم شهر يأرب جنبنا سوء الخاتمة.
وتابع إسلام "مكي ده اللى ينطبق عليه المثل كالمنبت فى الصحراء ، لا ارض قطع ولا راحلة ابقى".
وأضاف تامر "مكى بيقولك استقال بسبب فشله في تطهير القضاء من الداخل......لا متقولش على نفسك كده أنت جميل !!!".