الرئيس عن جزيرة الوراق: محدش هيخرج حد من بيته

قال الرئيس عبدالفتاح السيسي إن مصر كانت تعاني خلال السنوات الماضية تجاوزات كبيرة جدا, موضحا أن إزالة التعديات علي الأراضي الزراعية وصل لمليوني فدان, و160 مليون متر مبان.
وأضاف السيسي, ردا علي سؤال بشأن أحداث جزيرة الوراق, لو الفدان بألف في ال2 مليون دول ب2 مليار جنيه, مش دي فلوس المصريين.
وأشار إلي أن الدولة كانت غائبة عن هذه التعديات, لافتا إلي أن جزيرة الوراق مساحتها1400 فدان مبنية بشكل عشوائي, وصرفها في النيل, وتابع: جزيرة الوراق أكبر من حي الزمالك كله, شوفوا لما الزمالك اتخطط شكلها إزاي, والجزيرة شكلها إزاي, مفيش حاجة اسمها تتصدي للشرطة, هو إحنا جايين نتعدي عليك, وسمعت كلام عن شركة استثمارية.
وتابع: مفيش حد يقدر يتعدي علي ملكيتك, ولو حصل بيكون طبقا للقانون وتتعوض بشكل كاف, لكن هل أنت محافظ عليها كأرض زراعية, وأوضح: في المنطقة غير المخططة تلاقي الشارع7 أمتار وبرج, ولو حصل مصيبة مش هنعرف نتصرف, في دول عشان تزرع شجرة لازم موافقة الدولة.
واستطرد: هناك10 أو12 بحيرة, محتاجين نرجعها لكفاءتها, مثلا بحيرة المنزلة عشان الدولة مأخدتش بالها منها السنين اللي فاتت, وصل حالها لإيه بقي كلها صرف صحي, ودلوقتي محتاج100 مليار جنيه عشان ترجع زي ما كانت.
واختتم: محدش بيخرج حد من بيته, ده إحنا بندي بيوت للي محتاج, لكن محدش يقف في وجه الدولة, ومينفعش تنظر لمصلحتك الشخصية فقط, وعشان نسيب البلد للأجيال المقبلة, لازم نتحرك ونرجع هيبة الدولة, لأننا مش هنسمح بيها هتحولوا الدلتا كلها لعشوائيات وبني علي الأراضي الزراعية, طب هتزرعوا فين بعد كده