قوى ثورية تعلن انضمامها ل"6 إبريل " فى يوم الغضب وحشدها ل "إسقاط النظام" السبت المقبل

أعلنت عدد من القوى الثورية والصفحات الثورية على فيسبوك ونشطاء على مواقع التواصل الاجتماعى انضمامهم للدعوى التى أطلقتها حركة 6 إبريل؛ لأن يكون السبت القادم 6 إبريل الجارى يوم غضب لإسقاط النظام.
وأعلن تحالف القوى الثورية وحركة ثورة الغضب المصرية الثانية، بالإضافة إلى عدد من الصفحات الثورية على فيسبوك مثل:اتحاد الصفحات الثورية وصفحة ثورة الغضب المصرية الثالثة و"معا ضد الإخوان المسلمين" وحملة إخوان كاذبون عن مشاركتهم وحشدهم لفعاليات يوم السبت 6 إبريل، معلنين عن تنظيمهم لأربع مسيرات بالقاهرة عقب صلاة العصر مباشرة من دوران شبرا، وإمبابة، ومن مزلقان ناهية ببولاق، والسيدة زينب، لافتين إلى أنه يتم التنسيق مع كافة القوى الثورية للمشاركة، كما أوضحوا أن اتجاه تلك المسيرات سيتم الإعلان عنه فى حينه، بحسب قولهم.
وقال بيان مشترك صدر مساء أمس أن الهدف من نزولهم هو إسقاط النظام ، مضيفا " النظام اللى جعل كل شىء أغلى من الأول، النظام اللى قطع عننا الكهرباء، النظام اللى عمل مشكلة السولار والبنزين ، النظام اللى قسم شعبنا، النظام اللى سمح لكل فرد ب 3 أرغفة، النظام اللى سمح لكل فرد ب 5 لتر بنزين، النظام الذى كتم الأصوات والحريات، النظام اللى نسي العدالة الاجتماعية، النظام اللى أهينت في عهده الكرامة الإنسانية، النظام اللى من ساعة ما مسك وهو رايح يستلف من كل دولة شوية، النظام اللى بإهماله مات ولادنا فى القطارات وبالتسمم".
تابع البيان "النظام اللى بمؤامراته تم قتل جنودنا على الحدود، النظام اللى قال لنتنياهو صديقى العزيز، النظام اللى بياخد تعليماته من دولة اصغر من أصغر مدينة فى مصر، النظام اللى بيعمل صكوك لبيع بلدنا لقطر، النظام اللى كان عايز يؤجر الآثار المصرية ويبيع قناة السويس، النظام اللى قتل جابر والجندى والحسينى و النظام اللى بيوزع براءات على النظام الذى كان يسبقه وهو امتداد له..رسالة إلى هذا النظام.. احنا نازلين نسقطك يوم 6 إبريل"
وفى سياق متصل تداول نشطاء على مواقع التواصل منذ أول أمس منشورين عبر موقعى "تويتر" و"فيسبوك" تحت عنوان "يوم الغضب.. 6 إبريل 2013.. كفاية سكوت"، وآخر بعنوان "6 إبريل .. عايز استقرار شارك معانا.. سلمية ..سلمية" يحثان المواطنين على التظاهر يوم 6 إبريل، والمطالبة بحقوقهم فى العدالة الاجتماعية، وعدم الرضوخ للأمر الواقع والسكوت على الظلم الواقع عليهم، حسبما قالوا.