إيمان العاصي بعد تعافيها من "كورونا":"روحي كانت بتطلع وبنتي كانت بتقولي نفسي أحضنك" | فيديو

نشرت الفنانة إيمان العاصي فيديو مباشر لها عبر حسابها الرسمي بموقع تبادل الصور والفيديوهات إنستجرام، أعلنت من خلاله عن إصابتها بفيروس كورونا المستجد.
وقالت العاصي خلال الفيديو: "النهاردة 9 يونيو 2020، اكتشفت أن نتيجة التحليل بتاعي إيجابية يوم الوقفة آخر يوم رمضان، وبعدها عملت تحليل تبع وزارة الصحة طلع سلبي، وده كان يوم 29 مايو، وبعدها عملت 3 تحاليل طلعوا سلبي".
وتابعت إيمان قائلة: "أنا طبعا كلمت في الفترة دي كل أهلي وكل الناس اللي خالطتهم عشان يعملوا نتيجة التحليل والحمد لله كلهم طلعت نتيجتهم سلبي".
وأكدت إيمان قائلة: "طبعا أهم تحليل بالنسبة لي التحليل اللي تبع وزارة الصحة.. أنا فضلت عازلة نفسي لمدة 15 يوما، لأن التحليل اتأخرت نتيجته، بس كنت بعمل تحاليل طول الوقت".
قائلة: "أنا مريت بظروف نفسية صعبة جدا جدا وروحي كانت بتطلع وبنتي كانت بتقولي نفسي ألمسك يا مامي وأحضنك".
ووجهت "إيمان" نصيحة لكل من تثبت إيجابية نتيجة تحليله بفيروس كورونا قائلة لهم: "أرجوكم ابعدوا عن الضغط العصبي والخوف والقلق والتوتر لأن ده بيضعف مناعتك وبيأخر شفاءك".
وتابعت: "أنا في الفترة اللي فاتت كنت عازلة نفسي وعشت أيام ما تتحكيش ليكم في 100 فيديو، عشان بنتي كانت وحشاني وكنت بكلم بنتي فيديو كول وأعيط أنا وهي، بس كل ده كان حافز ليا عشان أعدي الأزمة دي على خير والحمد لله عدتها ".
ووصفت العاصي الأعراض التي شعرت بها، قائلة: " الأعراض كانت إلى حد ما بسيطة، منها قيء، تكسير في العظام، لكن أكبر عرض تعرضت له هو فقدان حاستي الشم والتذوق".
وأضافت: "أنا عديت الأزمة دي من 10 أيام، وفضلت في عزل بعدها وأنا متعافية، ولسه من يومين بس خارجة من بيتي، لكن سمعت ناس بتقول إيه ده إيمان عندها كورونا ونازلة الشارع".
استكملت: "أنا دلوقتي بقيت حد مفيد لأني سامعة إن بلازما المتعافين جيدة وبيتعاملوا بيها مع مرضى كورونا ، والحمد لله خفيت وبنتي بتنام في حضني، ورجعنا تاني أنا وأهلي ومفيش أي مشكلة وسعيدة جدا أنني تجاوزت هذه الأزمة والحمد لله".
a href="https://www.in
إيمان العاصي
إيمان العاصي