رسائل من أعماق طرة

لم تعد ساحة الفيسبوك مقصورة علي الثوار فقط‏..‏ ولكن المسئولين السابقين من نزلاء سجن مزرعة طرة الآن ظهروا علي الساحة أيضا‏,‏وأسس مجهول عدة صفحات علي موقعي فيسبوك وتويتر. حيث يدافع فيها عن هؤلاء ويتحدث أحيانا باسمهم‏,‏ ومن هذه الصفحات صفحتان استرعتا انتباه مستخدمي مواقع التواصل الاجتماعي‏ الأولي خاصة برجل الأعمال أحمد عز‏,‏ والثانية عن وزير الداخلية السابق حبيب العادلي‏.‏
.ومابين عز العادلي جاءت تعليقات القراء‏,‏ التي استفزتها هذه الصفحات‏,‏ تعبيرا حيا عن الشارع المصري‏,‏ سخرية‏..‏ ودهشة‏..‏ وشتائم‏.‏
قميص عز
صلبه النظام البائد وقدمه كبش فداء في محاولة بائسة للتشبث بالحكم‏,‏ السيد المهندس أحمد عز‏,‏ الرجل الشريف بالمستندات والذي دعي لتفعيل الإشراف القضائي علي الانتخابات‏,‏ ولم يضع إصبعا في تسيير الانتخابات التشريعية الأخيرة‏,‏ والذي نأي بنفسه عن جوقة الفساد التي كان يقودها جمال مبارك المعروف باسم الوريث‏.‏
هذه العبارات تقدمت صفحة عز الجديدة علي الفيس بوك‏,‏ وأضافت‏:‏ السيد المهندس أحمد عز الذي أعلن مئات المرات أنه ضد المواد‏76‏ و‏77‏ و‏88‏ من الدستور‏,‏ والذي وجه تحية صادقة لثورة‏25‏ يناير وأعلن تضامنه معها باستقالته فورا من أمانة الحزب الوطني الفاسد‏.‏
ثم قدمت الصفحة علي الفيسبوك والتويتر رسائل مختصرة المفروض أن أحمد عز أرسلها من سجن طرة‏,‏ منها‏:‏
‏‏ أكيد حاسس بالظلم ومش راضي‏,‏ يرضي مين إنهم يقودوني من ياقة القميص للسجن بهذا الشكل بينما جرانة وأبو العينين داخلين كأنهم أهل بيت؟
‏‏ يالصوت هذه الرياح العاتية‏!‏ لا أستطيع التفكير سوي ببيوت العمال اللي اتفقلت من ساعة ما مشيت‏,‏ جايز عشان حرقت كشوف الموظفين مع باقي المستندات
‏‏ مرتضي منصور لسه قافل معايا وأكد أن البراءة مسألة وقت ومعه أوراق سيديهات تنهي القضية‏,‏ الحمد لله‏,‏ بس معرفش ليه في آخر المكالمة قال أحمد شوبير
‏‏ وآدي النوم راح‏,‏ رندا أبو العزم قالتلي برأ نفسك‏,‏ جمال مش هاينفعك‏..‏ هيه‏..‏
‏‏ استيقظت علي صوت مريب ينبعث من زنزانة جرانة‏!‏ يخرب بيت كدا
‏‏ العادلي عمال يخبط علي الحيطة اللي بينا وبيطلق صرخات يقشعر لها البدن‏,‏ آه كم أنت قاس أيها العالم‏,‏ زي الشيء اللي بيخطبه العادلي في الحيطة
‏‏ الحارس جابلي ممسحة وجردل وطلب مني أن أمسح الأرضية من المياه التي أغرقتها علشان الملح هيبوزها‏,‏ مش هاعيط تاني‏.‏
‏‏ إمبارح بعد ما فوقت من إغماءة لما قصوا شعري لقيت نفسي في الزنزانة تاني لوحدي‏,‏ أشعر أن جدران الزنزانة تضافرت مع الكون ضدي‏.‏
لكن تعليقات القراء ردت بقوة علي كل ماجاء في هذه الصفحة الغريبة‏,‏ ومنها‏:‏
الي منشيء الصفحة‏:‏ متشوفش وحش يا خويا انت وهو‏...‏ قال وحشتنا قال بتحبوا قوي‏..‏ اللهم احشرك انت و هو كتف بكتف يوم القيامة قول امين
عمكم احمد عز اتسربله لاب توب عشان يعيش معانا ع تويتر
اوعوا تسيبوه وحده يا جدعان
من الحديد إلي الحديد يا قلبي لا تحزن
نفسي الراجل ده نحطه في قفص في ميدان التحرير عشان نروح نتفرج عليه شوية ونحدفه بالطوب‏.‏
يا بتاع الحديد و الصلب قفلو عليك بالضبه و المفتاح ياعيني يا صغير هتوحشنا
اكيد الشعب هجيبوا ليكم عيش وحلاوة بس يا تري علي حساب مين ومقابل كام طن حديد؟؟؟
اللي عامل مجموعة الجروبات دي حاجه من دول يا هو مش مصري أو من الحرامية او حد عايز يستفز المصريين ع الفيس بوك
يجب ان يخرج الشعب في مظاهرة مليونية الي سجن المزرعة وكل واحد ياخد معاه عيش وحلاوة وكام جزمة قديمة
سمعنا ان عز هايعمل مشروع ابني زنزانتك ويتبرع بسيخ حديد لكل مسجون من رجال الاعمال والوزراء يكون خازوق له عند المحاكمة
سامحنا ياعادلي
آه ياعادلي
خونة الوطن قدموك كبش فداء علشان يداروا علي السفاح الأكبر‏.‏
يا حارس أمن مصر‏..‏
ياللي منعت الإخوان من قتل ولادنا‏..‏
ياللي خليت كل مجرم يفكر ألف مرة قبل ما يجرم‏..‏
ياللي باصينلك في فلوس مكافآتك علي إخلاصك وتفانيك في حماية مصر‏..‏
ظلمناك يا عادلي‏..‏
يا من جعلت الشعب يهتف في المظاهرات‏:‏ الشرطة حبيبة الشعب
سامحنا
لا تنسوه بالدعاء
هكذا كتب الشخص المجهول مؤسس صفحة العادلي علي الفيس بوك‏,‏ وكانت التعليقات سريعة وحاسمة‏:‏
‏‏ عادلي مين الي يسامحنا انت اهبل ولا اهطل ولا منين‏!!‏
‏‏ البيدج دي بجد ولا بتهزروا ولا بتستهبلوا وللا ايه
‏‏ لو زعلان عليه ممكن تروح تونسه في طرة
‏‏ قال عادلي قال خساره فيك الاسم والله
‏‏ آسفين يا عادلي وهبعتلك علبة حلاوة البوادي بس ابقا ادي الولد عز حته بطل طفاسه وهبعت لعز طبله يسلي وقته لحد لما يخرج عشان يرجعلنا يسرق وانت تقتل تاني
‏‏ الله يحشركم معاه يوم القيامة
‏‏ ما هو اللي زيكم هما اللي خربوا البلد
‏‏ حسبي الله و نعم الوكيل في العادلي و في كل اللي يناصره
‏‏ ده احنا حبنا للعادلي مالهوش حدود الحقيقة‏,‏ يعني من كتر حبي ليه انا شايف انه يتحط في زنزانة لوحده ماحدش لا يكلمه وما نسبلوش حاجة غير أكل وحبل في السقف ونشوف حيستعمل الحبل بعد كام سنة
‏‏ هي دي الكاااااميرا المخفية اقول اية صاحب الصفحة دي واحد فاضي بجد وكوميدي جداااا حسبي الله ونعم الوكيل يا جماعه الغوا اعجابكم بالصفحه وسيبوة زي القرد لوحدة دة واحد بيجري ورا الشهرة مش اكتر
‏‏ هي دي بقي النكتة بعينها هههههه امبارح كان سامحنا يامبارك والنهاردة سامحنا ياعادلي وبكرة بقي اكيد عز وجرانة ايه التهريج ده
‏‏ شكل الادمن العادلي نفسه وبيسلي نفسه من الموبايل ف الزنزانة‏!‏
يامن جعلت الشعب يموت‏..‏ انا اشتركت مخصوص هنا علشان اشتمك بس انت والحزب الوطني
‏‏ أهلا وسهلا اهه ده اللي ناقص‏.......‏ حلوة ظلمناك يا عادلي دي بالذمه ده كلام عاقل يا جماعه اتقو الله فيما تكتبوووون
‏‏ مين ال عامل الجروب ده ازاي يكتب سامحنا يا عادلي المفروض ده المفروض يتعدم في مكان عام ويتعذب زي ما كان بيعمل في الشعب المظلوم