كده بنحبها .. كده بنحبها مصر وحبها .. من غير منتهي قلبنا .. قلبها ..عمرنا .. عمرها حلمنا مننا .. سعدنا منها مصر الشهداء .. مصر الفقراء مصر اللي بتوصل اعلى سماء نسمع حسها .. غُنا ونحسها كده بنحبها .. كده بنحبها
الليل لو طال ... بتجيب له نهار .. طيب وحنون وف كل زمان .. حكمتها تبان .. أديان وفنون مع كل شروق .. نستني نشوف طلعة شمسها مع كل غروب نحلم مع كل الناس حلمها ف كلامها .. ولاّ ف ليل صمتها ف ألمها .. ولاّ ف نور حُسنها كده بنحبها .. كده بنحبها .............. ضحكتها شباب ... نكتتها كتاب علم وفلسفة لو حتي تجوع .... عندها ينبوع الوفا والدفا
هية الاحلام .. اللي انا نولتها واللي ما نولتها هية الايام .. اللي انا عشتها واللي ما عشتها
لو أى غبي ينكر سحرها أو أى نبي يطلب ودها كده بنحبها .. كده بنحبها .............. لو فيه محروم ... رزقها مقسوم بالعدل معاه ولا بخلت يوم ... ولا منعت يوم خيرات الله
لو صوت الطير غايب عنها لو سرب الخير حط ف ارضها كده بنحبها .. كده بنحبها .............. أول فنان كان مصري وكان .. ضد الطواغيت بيحب الله ونقش معناه .. فوق الجرانيت ألّف روايات لوّن لوحات .. عايشة مزهزهة بدهب سيّال .. نحت التمثال .. وكتب شِعرها
عشقها .. فنها .. عطرها شدوها ولا فيه ف الدنيا مثال زيّها كده بنحبها .. كده بنحبها .. ..............
ست الملكوت ف عيونها أموت .. واهديها ميلاد وأشوف العيد والعمر يزيد .. يوم الاستشهاد
أتحدى الكون لو كل الكون .. واقف ضدها وحياتي تهون وبلدنا تعيش .. ويعيش اسمها
الغُنا مهزوم ف دروب ضعفها ولاّ الحساد خايفين بطشها كده بنحبها .. كده بنحبها لمزيد من مقالات جمال بخيت
