كهربا يستفز مرتضى منصور بسبب طارق حامد.. تعرف على التفاصيل

أكدت صحيفة "عكاز" السعودية أن اللاعب محمود عبدالمنعم كهربا، نجم الزمالك، يدخل وسيطًا في صفقة إنتقال طارق حامد متوسط ميدان الأبيض، إلى نادي اتحاد جدة السعودي.
وقالت الصحيفة إن كهربا يحاول إقناع حامد باللعب في صفوف الأدي، خاصة أن العرض المالي كبير، حيث يصل إلى 2 مليون دولار في عام واحد على سبيل الإعارة.
اقرأ أيضًا: جماهير الجزائر تتوافد إلى مصر لحضور مباراة كوت ديفوار (صور)
ويذكر أن كهربا كان قد احترف في صفوف الاتحاد، خلال أعوام 2016 و2017، قبل أن يعود مرة أخرى إلى الزمالك.
وكان كهربا قد تخلف عن تدريبات الزمالك، بعد خلافه مع رئيس الزمالك حول المقابل المادي، كما أنه من المتوقع أن تكون صفقة طارق حامد، يزيد من الصراع بين اللاعب ورئيس النادي
أحمد عيد يفجر مفاجأة كبيرة عن طارق حامد
فجر أحمد عيد عبد الملك، لاعب نادي الزمالك ومنتخب مصر السابق، مفاجأة كبيرة، بعدما أعلن رحيل طارق حامد عن صفوف الفارس الأبيض في الانتقالات الحالية، نظرًا لضعف المقابل المادي في عقده الحالي، مؤكدًا رفضه الرحيل في وقت سابق إلى نادي بيراميدز.
قال عبد الملك عبر حسابه الرسمي على فيسبوك: "طارق حامد مسافر للأسف.. هو إما جدد اتعرض عليه مبلغ قليل بالنسبة للعقود في مصر وقيمته واتعرض عليه من بيراميدز 20 مليون في السنة وعربية آخر موديل ب2 مليون ورفض واشتري حب الناس وجدد واتقاله هتاخد فلوس 5 ملايين في السنة من برة العقد وده طبعًا محصلش ولا هيحصل ومفتحش بوقه لحد الآن ولا اتمرد وبيموت نفسه لآخر نفس".
وأضاف عبد الملك: "أنا بقى بحكى القصة دي علشان طارق من حقه يطلع وياخد ملايين الملايين اللي يستحقها.. أنا متأكد الناس بتحب طارق إزاي وهو كله همه لو خرج حتي لو سنة حب الجماهير.. ده من طارق نفسه والله والكلام كله من أوله لأخره أنا حضرته مكالمة بمكالمة.. أنك تشوف لاعيب زي ده وتتمنى يبقي في الفريق اللي أنت بتشجعه تبقي حاجة تفرح لكن في الآخر هو كسب حب واحترام جماهير مصر كلها وجماهير الزمالك خصوصاً مع أنه أقل واحد في لاعيبة الكورة بيتعامل مع السوشيال.. أنا عن نفسي بتمناله كل التوفيق في اللي جاي وبتمنى الناس اللى هتزعل علي أنه ماشي تفتكر هو عمل أيه وكان راجل إزاي".