سما المصري: ريهام سعيد تنصب على جمهورها باسم محمد صلاح

تعرضت الإعلامية ريهام سعيد لكثير من الهجوم، عقب حلقتها التي ذهبت فيها إلى الطفل محمد عبد الباسط "صاحب الكيس البلاستيك"، الذي كان يتمنى أن يرتدي تيشيرت نجم منتخب مصر ونادي ليفربول الانجليزي محمد صلاح، وذلك بعد إدعاء ريهام سعيد، بأن محمد صلاح استجاب للولد عن طريقها، وأرسل له "التيشيرت الأصلي"، ولكن تبين من التيشيرت أنه ليس الأصلي على حسب ادعائها، وبدأت جميع مواقع التواصل الاجتماعي، تتداول الصور الحقيقة والمزيفة للتيشيرت الأصلي لمحمد صلاح.
كما أن سما المصري هاجمت ريهام سعيد، بسبب "التيشرت المضروب" على حسب قولها، من خلال نشر صورة التيشيرت التي أعطته ريهام سعيد للولد، وتيشيرت محمد صلاح الأصلي، وذلك عبر حسابها الشخصي بموقع تبادل الصور والفيديوهات الشهير "إنستجرام".
وعلقت على الصورة قائلة: "التيشيرت دا مضروب.. ريهام أم تيشرت مضروب.. أكيد جابت التيشيرت دا من العفاريت.. الأنسة ريهام سعيد قالت إن محمد صلاح أو اسرته بعتت تيشرت للطفل الجميل دا هدية من صلاح بدل التيشيرت البلاستيك اللي كان بيلبسه.. يا وليه هو انتي مش هتبطلي كذب باه؟ هي أسرة صلاح هتبعت تيشرت مضروب للولد؟ كله باين في الصورة أهو والتيشرت علامته مضروبة.. مش أصلي.. هو صلاح وعيلته افتقروا أوي كده عشان يبعتوا تيشرت تقليد للولد الجميل دا؟".
وتابعت: "قصدك تسيئ لصلاح يعني؟ ولا عايزه تقولي للناس صلاح ببيتفرج عليكي وسمع كلامك؟ ياتري باه مين اللي نزل الوكالة اشتري التيشيرت دا؟ محسساني إن صلاح وأسرته مابيتفرجوش على حاجة في التلفزيون غيرك وتلاقي صلاح مايعرفش اسمك أصلا.. عايزين توضيح باه والنبي عشان المرارة اتهرت من كتر الكدب بتاع الست دي؟".
واختتمت سما المصري: "فعل الخير مش بالكدب ياحجه كنتي قولي انك اللي شاريهاه احسن.. تيشرت بخماشرجنيه.. روحي سجلي مع أسرة صلاح وأنا أصدقك غير كده تبقي بتلعبي بمشاعر الفقراء هو انتي لازم تعملي بطلة وصاحبة فعل خير بالكدب وعلى حساب الغلابة؟ مفيش فايدة هتفضلي بتاعت عفاريت.. عيب ياوليه دا محدش هارشك في البلد دي غيري.. مش قلتلك أنا وأمي وراكي".