مذبجة البحيرة.. حبس المتهم بقتل والديه بكفر الدوار 4 أيام

مذبحة البيحرة .. أمر المستشار محمد شلبي رئيس نيابة قسم كفر الدوار بمحافظة البحيرة، وبإشراف المستشار محمد أبو ثريا المحامي العام لنيابات شمال دمنهور، اليوم الثلاثاء، حبس المتهم بقتل والديه فى مذبحة البحيرة بمنطقة التمليك بمركز كفر الدوار أربعة أيام على ذمة التحقيقات.
تلقى اللواء علاء الدين عبدالفتاح، مدير أمن البحيرة، اخطارا من قسم شرطة كفر الدوار يفيد بعثور الجيران على جثتين " احمد ا " مدرس ثانوي وزوجتة " ليلى " بمنطقة التمليك بكفر الدوار.
اقرأ أيضا: "اوردر قتل من الجن".. التفاصيل الكاملة لقاتل والديه ب"مذبحة البحيرة".. شهود:"عبده كان عاقل لحد ما أخوه مات وبقى يشوف حاجات غريبة"
وتم تشكيل فريق بحث وتبين أن وراء الحادث " عبد الرحمن. ا. ا " نجلهم مريض نفسى قام بذبحهم بسبب معاملتهم السيئة له وفر هاربا وجارى البحث وتعاين النيابة العامة مكان الحادث وجاري تحرير محضر بالواقعة.
شاهد يكشف سر وقوع المذبحةنشر أحد أصدقاء الشاب الذي أقدم على ذذبح والده ووالدته تفاصيل عن حياة الشاب المشار إليه عقب انتشار خبر الجريمة وآثار غضبهم عند تداول أخبار أن الجاني كان متعاطي مخدرات.أعرب أحمد الجمل عن غضبه من خلال مواقع التواصل الاجتماعي "فيس بوك"، قائلا: "عبده السقا ارجل واحد كان ممكن تعرفه فى حياتك واحد من إلى هما تقابلهم مرة في العمر برغم أنه كان أصغر واحد فينا بس تخيل كلنا كنا بنروحله بمشاكلنا ونترمى فى حضنه تقدر تطلع كل اللى جواك وانت عارف أنه فى بير وعارف أن آخر كلامك مش هتلاقى كلمة معلش هتلاقى راجل بيشدك من ايدك بيقولك على حل بيقويك كنت ابصله وهوا اقصر منى كدا ويطلع منه الفطنة والوعى".وأشار إلى أن عند حدوث خلاف بينه وبين والده كان يتوجه إلى بيت الجاني للعيش معهم، لافتاً: "أنا عشت معاهم كتير نمت فى بيته كلت معاهم عشت معاهم زى ما عشت مع أهلى هي دى العيلة إلى أى حد يتمناها هو دا الأخ السند اللى بجد يمكن الى ميعرفهوش ميفهمش بس كل صحابه عارفين قد إيه الناس دي طيبة أوي».وأكد أحمد أن سبب مرض الجاني وفاة شقيقه الأكبر قائلا :" أزمة عبده بدأت بعد موت اخوه لأنه كان متعلق بيه هو كان محترم اخونا كلنا موته إثر فينا كلنا واخونا كلنا الله فعلا كان ابن موت بجد قطعت بينا كلنا واكترنا كان عبده بس محدش كبير على الموت».وأفاد أن صدمة الجاني علي وفاة شقيقة استمرت شهورا بعد ذلك عاد الأمر لوضعه الطبيعي، بدأ الجاني يعود الي حياته الطبيعية ويلتزم في الدارسة، مشيرا : «عبده كانت متميز أخلاقيا و دراسياً كل اللي يعرفه يشهد بذلك كان دايما يقول إنه هسقط وكان لما النتيجه تطلع بيكون من الأوائل». وأوضح أن المشكلة بدأت بالفعل من آخر الصف الثانوي بسبب موقف حدث معه غير حياته كله وبدأ الجاني يشاهد أشياء غريبة لم تظهر لا أحد غيره، بدأ يذهب لأماكن غريبة في أوقات غريبة بدون أسباب، لافتا :" بدا يستنجد بنا حتى محدش صدق حاول يتعالج عند دكاترة كتير بس مفيش فايدة موصلش لأي نتيجة بدأت تصرفاته تتغير أكتر بقى عصبى مبقاش يتعرف علينا، حتي مره وقفته أسلم عليه مكنش عارفني، عبده اتحول لشخص تانى مبينزلش من البيت ساب الدراسة، اتحول لشخص مجهول كل محاولتنا معاه فشلت والكل بدأ يتجنبه وقلنا فتره تعب ويرجع زى الأول وبالفعل عبده بدأ يرجع بقى ينزل زى الأول يتكلم معانا، بدأ يهزر مع أصحابه لكن مش زي الأول كان دايما مخبى حاجه دايما سرحان وكان بيبقي قاعد كويس فجأة يشوف الخيالات ويسمع الأصوات إلى بتكرهه فى كل الناس بدرحة أنه بيشوف الكل شياطين قدامه». وتابع الجمل بعد فتره بدأ الجاني يلتزم في الصلاة والتقرب إلي الله والجلوس بصفة دايمة في المسجد و بدأ في حفظ القرآن والسنة النبوية، موضحاً: «كان تقريب بيحاول يعالج نفسه بالقرآن بعد فشل كل الدكاترة معاه بس نظرات الناس كانت سبب من ضمن الأسباب ان حالة تسئ بعد احساسه أن الناس بتتعامل معاه انه مريض نفسي، في يوم حكي لي أنه بيشوف والدته بطريقة مخيفة وبتتحول قدامه حاجات عشان يأزيها وانها مش امه حاجات بقالها 3 سنين بتحاول تسيطر على مخه تخليه يعمل حاجات غلط على اساس انها الصح، وبعد فشل عبده في الدراسة وبدأ يشتغل في أماكن بعيده بقى عاوز يكون لوحده بعيدا عن أى حد حاول يشرح بقى كله يبصله دا مجنون دا بيتعاطى زى ما كل الناس ما قالت "، مؤكد أن الجاني لم يتعاطى مواد مخدرة و لكن كان يعاني من أزمة نفسية شديدة».