استرجل ومتلبسش بناتك ضيق.. حملة شبابية تثير الجدل.. ومعارضين: "استرجل أنت وغض بصرك" (صور)

فى الأونة الأخيرة دشن مجموعة من الشباب على صفحات التواصل الإجتماعى " فيسبوك" حملة تحت عنوان "كن رجلا ولا تخرج بناتك بلباس فاضح" و"استرجل ومتلبسش بناتك محزق" وقاموا بتعليق لافتات فى الشوارع حاملة شعار هذه الحملة.
لقيت هذه الحملة رواجا شديدا من قبل مستخدمي مواقع التواصل الاجتماعي «فيس بوك وتويتر»، وجاءت التعليقات على هذه الفكرة ما بين الترحيب والانتقاد، وعبر البعض عن إعجابهم بالفكرة في حين هاجمها أخرين.
ومن جانبه، قال أحد رواد مواقع التواصل الاحتماعى معلقا على هذه الحملة "أتفق معها وأساندها"، موضحا أن هذه الظاهرة أصبحت منتشره بشكل كبير.
وعلى الجانب الآخر، انتقد شخص هذه الحملة قائلا: «اللى عاملين حملة في كل الشوارع اسمها استرجل ومتلبسش بناتك محزق، اللي المتحرشين فرحانين بيها عشان بتجيب اللوم على البنت بأن لبسها هو سبب التحرش، طيب إيه رأيك لو تسترجل إنت ومتتحرش بالبنات، وتسترجل أكتر وتعمل حملة تسميها غض بصرك».
وقال شخص آخر: «كان نفسي حملة استرجل ومتلبسش بناتك محزق اللي طفحت في الشوارع تكون استرجل ومتتحرش ببنت، استرجل واحمي أي بنت تشوفها بيتحرش بيها، استرجل وربي ابنك كويس، استرجل ومتدفنش رأسك في الرمل، استرجل وغض بصرك، وإنت مالك هي لابسه إيه، مش من حقك تلمس بنت مهما كان لبسها».
وأضافت ثالثة: «ما تسترجل إنت وتبطل تبص وتتحرش عشان إنت شخص مريض مخك متركب في عينك».
واستكمل أخر: «في موضوع منتشر بتاع اليفط اللي مكتوب عليها (استرجل ومتلبسش بناتك محزق)، هيبقي أفضل لما يكون في يافطة مكتوب عليها: خليك راجل وخليك في حالك ومتبصش».
وانتقد أخر الحملة قائلًا: «جميلة قوى الحملة، استرجل ومتلبسش بناتك محزق، كفكرة إنما كمضمون ده مش أسلوب طبعًا، ده غير أن الحملة مفيهاش جملة زي استرجل وغض بصرك».