باسم يوسف لسعوديين فى نيويورك: مبروك عليكم الجزيرتين!

أكد الإعلامي الساخر، باسم يوسف، أن انتقاده لقضية تسليم جزيرتي تيران وصنافير للمملكة العربية السعودية، لا يعني وجود أي إشكالية مع الشعب السعودي.
وقال يوسف، عبر صفحته الرسمية علي فيسبوك:" فيه حاجة مهمة بس عشان الناس اللي بتصطاد في المية العكرة، النهاردة في نيويورك على الأقل تلات اربع مرات يتعرفوا عليا ناس وينادوا عليا بالعربي، ويطلبوا يتصوروا معايا، مرتين منهم باسأل انتم منين قالولي من السعودية".
وأضاف: "هزرت معاهم وقلتلهم مبروك عليكم الجزيرتين يا عم، وضحكنا وألشنا وهرجنا، انسوا العداوة المزيفة اللي على الانترنت، عمر ما كانت المشكلة ابدا بين الناس، اعتقد ان كتير جدا من اللي بيتكلم عن موضوع الجزر ما اتكلمش عن السعوديين كشعب بطريقة وحشة، سيبكم من كام اكاونت اللي من الناحيتين اللي بيتطاولوا، مش عايزين نقع في فتنة ماتش مصر والجزائر تاني اللي صنعها الاعلام بامتياز، مشكلتنا مع اللي اتخذ القرار وتجاهل شعبه مش مع الناس، مشكلتنا مع اعلام هو اللي بيصنع المشكلة مع الناس، وسلطة بتغضب الناس، اما الناس نفسهم فمافيش مشكلة بينهم".