«كريم عبد العزيز لو ضربني بالجزمة هسامحه».. أبرز تصريحات ماجد الكدواني مع عمرو أديب

تصدر الفنان ماجد الكدواني محرك البحث العالمي على 'جوجل'، بعد تصريحاته الأخيرة التي أثارت الجدل، وكشف عن العديد من الأسرار في حياته الشخصية وسر حبه لصديقه الفنان كريم عبد العزيز وأسباب ذهابه لطبيب نفسي.
وقال ماجد الكدواني خلال حواره مع الإعلامي عمرو أديب في برنامج 'بيج تايم بودكاست' المذاع عبر قناة MBC: 'صداقتنا عمرها 24 سنة من سنة 2000 والحمد لله مفيش بينا مشاكل، ربنا يديمها نعمة ويبعد عننا العين إنسان جميل وصافي، إحنا شفنا وعدينا بتجارب وظروف كتير'.
ماجد الكدواني يكشف سر علاقته بكريم عبد العزيز
وتابع ماجد الكدواني: 'كريم عبد العزيز لو في يوم اتنرفز وزعل وقلع الجزمة وضربني بيها هسامحه، يعلم ربنا أنا لو عمل فيا إيه لا يمكن أزعل إلا ده، إحنا بنحب بعض بجد بنغلط ونتعاتب ونتصالح ومحدش يبقى ماسك على حد حاجة، إحنا أصحاب برا المهنة بنتكلم عن الحياة'.
وكشف ماجد الكدواني عن أكثر شيء يحبه في كريم عبد العزيز: اللي بيعجبني في كريم عبد العزيز الأمانة والمصداقية اللي من القلب للقلب، إحنا لما بنقعد نتكلم مع بعض يقولي هي الناس بقت عامله كده ليه وليه شكلنا غريب قدام الناس هو ليه اتنين بيحبوا بعض يبقوا غريبين، في مرة اتكلمنا 8 ساعات، بنبقى محتاجين نتكلم مع بعض جعانين مصداقية، أكلم شخص من غير حساب أبقى قدامك صافي لا أنا ولا إنت هنمسك على بعض حاجة'.
ماجد الكدواني ووالده
قال الكدواني: والدي كان جاد مش شديد، جاد يعني باحث عن المثاليات يعني نفسه كل حاجة تمشي صح، وعياله يكونوا مظبوطين، لكن مش قاسي، والدي كان هادي، وعلمني الالتزام، والأمانة، أبويا كان فجأة يقولي تعالى في حضني'.
وتابع: 'ضربني مرة واحدة في حياته، علشان خبيت الشهادة علشان كنت ساقط في التاريخ، قالي أنا مش زعلان إنك ساقط، أنا زعلان إنك خبيت، ومسك شماعة خشب وكسرها عليا'.
ماجد الكدواني يكشف سبب ذهابه ل طبيب نفسي
وقال الكدواني: 'تراب الماس كان شخصية مستفزة جدا وعميقة، وكنت بتكلم مع كريم عبد العزيز ومروان حامد، واكتشفنا إن إحنا فعلاً متأثرين ب الشخصية، وبعدها بسنة مراتي وابني يوسف قالولي أنت مش أنت روح لدكتور نفسي، ومروان حامد قالي مش عيب روح'.
وتابع: 'روحت واكتشفت أني حبيت الشخصية أوي، ومروان حامد قالي تعبير رهيب في الشخصية دي قال وليد سلطان ده المتعة المحرمة، لأن كل إنسان فينا جواه، عايز يعمل كل اللي نفسه فيه من غير حساب ولا تأنيب ضمير ومن غير جلد ذات، ولا خوف من عقاب زمن غير لوم ولا قيم كل إنسان عايز يعيش زي ما هو عايز، ف لما روحت للدكتور قالي أيوه إذا فيه شخصية دخلتك هي بتفضل موجودة في العقل الباطن'.