كريم عبد العزيز: «أنا ضد نمبر وان.. وابني لو بيعرف يمثل هسيبه»

كشف الفنان كريم عبد العزيز، عن رأيه في اتجاه ابنه 'علي' للتمثيل وذلك خلال لقاءهم مع رؤيا مصر في العرض الخاص لفيلم بيت الروبي، قائلًا: 'أنا هسيب له مطلق الحرية اللي هو عايز يعمله يعمله'.
وخلال اللقاء كشف علي كريم عبد العزيز، عن رغبته في الاتجاه للتمثيل، قائلا 'مبسوط الأول إن فيلم بيت الروبي نزل، وإن شاء الله هيبقى حلو وجميل، وبإذن الله همثل أكيد'، ليداعبه كريم قائلا، 'يارب يبقى بيعرف بس الأول'.
كريم عبد العزيز: أنا مبحبش فكرة نمبر وان
وكشف كريم عبد العزيز عن رأيه في مقولة محمود العسيلي عنه إنه نمبر وان الحقيقي قائلا: 'أنا مبحبش فكرة نمبر وان ونمبر تو دي، مبحبهاش لأن كلنا زملاء في الآخر'.
وتحدث كريم عن فيلم بيت الروبي قائلا 'فيلم اجتماعي كوميدي بنناقش بيه سلبيات وايجابيات السوشيال ميديا من خلال أسرة الروبي، وعجبني لإنه معاصر ولإني خارج من الاختيار وكيرة والجن ورايح للحشاشين، فكان لازم نعمل حاجة لطيفة نعيد بيها على الناس، وسعيد بالتعاون مع كريم محمود عبد العزيز ونور وتارا عماد'.
كريم عبدالعزيز عن اتجاهه للغناء: صوتي معجبنيش
وخلال اللقاء أيضا تحدث كريم عن اتجاهه للغناء بعد تجربة أغنية 'سمع هس' في الفيلم، وقال ضاحكًا: 'صوتي معجبنيش خالص وأعوذ بالله من صوتي ومش عارف ازاي اتبسطوا والناس صعبانة عليا، وعسيلي وبيتر ميمي وأحمد طارق يحيى اللي خلوني أغني'.
فيلم 'بيت الروبى' بطولة كريم عبد العزيز، نور اللبنانية، كريم محمود عبد العزيز، تارا عماد، شريف دسوقى، حاتم صلاح، محمود السيسى، وضيوف الشرف محمد عبد الرحمن توتا، منى الشاذلى، مصطفى أبو سريع، وقصة وسيناريو وحوار محمد الدباح وريم القماش وإخراج بيتر ميمى، وتدور الأحداث فى إطار كوميدى اجتماعي.