فتاة تثير الجدل على فيسبوك بعد استغاثتها من والدها بالإسكندرية: «لو حصلنا حاجة بابا السبب»

«لو حصلي أي حاجة أنا أو مامتي أو أختي هيبقى بابا السبب'، بهذه الكلمات استغاثت فتاة تُدعى 'مريم.م.ع' من محافظة الإسكندرية، بالسوشيال ميديا، كاشفة عن تعرض والدتها للبطش والاضطهاد المستمر والتهديد من قِبل والدها، فضلًا عن قيامه بسحب الملف الخاص بها من الجامعة الأمر الذي يهدد مستقبلها»
وتفاعل عدد كبير من رواد السوشيال مع استغاثة الفتاة التي نشرتها عبر صفحتها الشخصية بموقع التواصل الاجتماعي 'فيس بوك'، وجرى تداولها على نطاق واسع، وجاء نص منشور الفتاة كالتالي: 'أنا اسمي مريم، الصراحة بعد البوست ده أنا مش عارفة ممكن يجرالي إيه بس مش هيبقا أكتر من اللي حصلي، أنا بابايا ومامتي متطلقين من 8 سنوات بعد معاناة وعشنا بعدها معاناة معاه عشان يسيب أمي في حالها، حيث قام والدي بضرب والدتي بالنار في شهر 7 عام 2017'.
منشور الفتاة
استغاثة فتاة من والدها تثير الجدل بمواقع التواصل
وأضافت الفتاة في منشورها: 'كنت مازلت طفلة عندب 14 سنة والمسدس ده كان كل خنافة في البيت بيتحط في دماغ أمي قدامي أنا واخواتي، واحنا أطفال وعشنا أذى نفسي وجسدي من صغرنا وكنا بنسمع الفاظ لا يمكن قولها منه حتى أنه عندما ضرب والدتي بالنار حدث لها ارتجاج في المخ كان بسبب أنه عايزها ترجعله وهي مش عايزة وطبعاً محصلوش أي حاجة عشان وسايطه كتير أوي وحق أمي ضاع وبالعكس ده فضل يعملها في محاضر ويقدم وصلات أمانة مش حقيقية ويدفع فلوس عشان بس هي تتبهدل'.
وتابعت: 'الفترة ديه حصلت مشاكل وعشان ميحصلش زعيق وبهدلة مكناش قاعدين في بيتنا وبابا اتهم والدتي بأبشع الاتهامات واستأجر آخرين حسبي الله ونعم الوكيل فيهم قالوا كلام كله غلط وروحت بعد 10 أيام قعدت معاه عشان يكون هدى شوية أنا اللي قعدتهم 3 أيام أنا سمعت أقذر الكلام اللي ممكن أي حد يسمعه أنا بقالي 3 ايام منمتش من اللي النفسي والجسدي وبالمناسبة انا عندي امتحانات ومذاكرة وقبل ما أروح لبابا كان بيسحب الملف بتاعي قبل امتحاني بيومين والمشكلة كلها أصلاً من الأول للآخر أنا مليش دعوة بيها أنا مش هسكت على حقي وحقي عند ربنا هيجيلي في الدنيا وفي الآخرة أنا معرفتش أروح باقي امتحاناتي وحتى اللي امتحنتهم أنا مكنتش فايقة أصلاً وتعليمي اللي فاضله سنة ويخلص مش هكمله بسببه حق عياطي وبهدلتي وتعبي ومستقبلي هيرجعلي حسبي الله ونعم الوكيل'.
منشور الفتاة
وأكملت: 'أنا خصيمتك يوم القيامة وخصيمة أي حد جاب سيرة أمي بنص كلمة، هو دلوقتي مهدد أنه هيقتل أمي وهو يعملها عادي ودافع لناس يشوهوها وناس يعملولها محاضر وأقذر كلام أنا كدا كدا حقي مش هسيبه بس متنساش تبقا تجيب وسايط وناس تشهد زور وتشتم قدام ربنا، ودلوقتي أنا وأختي ومامتي قعدين مع بعض وكل الكلام والاتفاق مع الناس على حاجات كلها ظلم وأذى لأمي كان قدامي وأنا كمان هيعملي محاضر من اللي هو بيعملها وبيروح يدفع فلوس عشان يبهدلونا أنا سكت عمري كله ومش هسكت تاني وحقي هجيبه'، وأنهت المنشور قائلة: 'لو حصلي أي حاجة أنا أو مامتي أو أختي هيبقى هو السبب'.
من جانبهم ناشد العديد من الرواد من خلال التعليقات على منشور الفتاة الجهات المعنية بسرعة التدخل لإنقاذ الفتاة ووالدتها وشقيقتها قبل إلحاق أذى بهم، وسرعة التحرك واتخاذ اللازم مع والدها.
تفاعل الرواد مع منشور الفتاة
منشور الفتاة