"كان عارف أنها اتجوزت قبله".. محامية زوجة حسن شاكوش تقاضي مأذون حفل زفافهما

كشفت هايدي الفضالي، محامية ريم طارق زوجة حسن شاكوش، عن آخر تطورات أزمة موكلتها ومطرب المهرجانات وذلك بعد استدعائه من جهات التحقيق بعد اتهامه لزوجته بسرقة نصف مليون جنيه.
محامية زوجة شاكوش تكشف مفاجآت جديدة
وقالت هايدي الفضالي، خلال مداخلة هاتفية مع الإعلامية أميرة بدرمقدمة برنامج 'ملفات'، المذاع عبر قناة 'هي'، إن مطرب المهرجانات حسن شاكوش مثل أمام جهات التحقيق لكشف ملابسات أزمته مع زوجته واتهامه لها بسرقة أمواله.
وأضافت محامية زوجة حسن شاكوش: 'علشان ده ملف جواز وطلاق، والناس ديه لما أتجوزت كانت تريند، جهات التحقيق استدعت شاكوش علشان اتهامات بسرقة نص مليون، وقال كلام مش عايزه أقوله، ولجان إلكترونية تدخل، أي إهانة ليها المفروض تكون إهانة ليك قبليها، حتى لو هي ست وحشة ومش كويسة، لو حد غلط فيها وهي على ذمتك يبقى غلط فيك انت، هي شرفك وعرضك واسمك، هنا مش بدافع عن ريم بدافع عن مبدأ، لو واحد اتجوز واحدة وبقت في بيته ميسمحش يقول عليها نص كلمة، والمفروض يمنع اللي يتكلم عليه، غلط فيها هيهينك، ولما واحد مراته اتهانت يبقى هو اتهان، لما مراتي تتهان يبقى أنا مليش لازمة، ومش موجود، ما بالك بالراجل اللي بيهين مراته، ديه القضية بتاعتي، والمبدأ بتاعي، واللي عايز اتكلم فيه'.
محامية زوجة حسن شاكوش تقاضي مأذون حفل زفافهما
وتابعت محامية زوجة حسن شاكوس: 'وصلنا إن إحنا ماشيين في إجرائتنا العادية، وهما وقعوا في مصيدة غريبة أوي، امبارح أعلنت أكيد وثيقة ببيانات صحيحة إن الزوجة مطلقة، و هنبدأ نخاطر محكمة الأسرة بأكتوبر علشان ناخد الوثيقة الأولانية، مش المميكنة، وقولت ديه إشاعات فعلًا مكتوب فيها إنها متجوزتش، وهما وقعوا في المصيدة علشان هما معاهم القسيمة، راحوا انهارده عملوا بلاغ إنها أدلت ببيانات مزورة، ليه قاله كده علشان لما ذكرت في تصريحات صحفية، قولت لو أنا اكتشفت بعد ما أجيب الوثيقة وألاقي فيها حاجة مزورة أنا هقاضي المأذون أو من أدلي بالبيانات.
ومن جانبها علقت أميرة بدر قائلة: 'عايز أقولك حاجه هنا أنا سألت المحامي سؤال مباشر والحلقة متسجلة باليوتيوب، وسألته هل حسن شاكوش مش عارف إنها أتجوزت قبل كده، قالي عارف بس مش ديه القضية، والكلام متسجل عندي'.
وردت محامية زوجة حسن شاكوش على تصريحات مطرب المهرجانات والتي تؤكد عدم علمه بزواج زوجته من قبل، وقالت: 'وانهارده قالي إنه ميعرفش إن هي مش متزوجة، وإزاي يوم الفرح معرفش إنها متزوجة، وفي تلفيق كبير، وهما وقعوا في المصيدة، وعملوا إجراء انهارده، ومين اللي هيجيب المأذون الزوج ولا الزوجة، المأذون بيدلي الخطبة إمتى'.
واختتمت هايدي الفضالي محامية زوجة حسن شاكوش قائلة: 'هناخد إجراءات قضائية ضده، طليق زوجة حسن شاكوش، عشان نعرف هو طالع لوحده متبرع، ولا حد شجعك، ومش بستبعد حاجة، واللي يجيي يقول معرفش إن هي متزوجة ديه هرتله'.