نهال عنبر من أمام الكعبة: "ماحبتش أطلع لايف لأن المكان ليه طقوسه وقدسيته"

شاركت الفنانة نهال عنبر جمهورها ومتابعيها بمقطع فيديو لها، عبر حسابها بموقع 'انستجرام'، خلال أدائها مناسك العمرة من أمام الكعبة المشرفة.
وظهرت نهال عنبر في الفيديو مرتدية ملابس الإحرام، قائلة: 'هنا أحلى أيام الواحد بيقضيها وهو بيقضي مناسك العمرة، والكعبة من أجمل الحاجات بحب أقعد قدامها أقرأ قرآن وأصلي، والكعبة قدامكم واللي عاوز يدعي يدعي ليها وأنا سعيدة بالمناسك والمدينة ومكة'.
رسالة نهال عنبر لمتابعيها
وأضافت عنبر: 'الواحد بيحس براحة نفسية وهو قريب من ربنا وبيته والبيت الحرام، وأنا سعيدة قلت اشاركم معايا وما حبتش أطلع لايف لأن ده مكان له طقوسه وقدسيته، قلت أسجل في وسط ما أنا موجودة قدام الكعبة'.
وتابعت: 'قلت أسجل في وسط ما أنا أصلي علشان اللي عاوز يدعي الكعبة قدامكم يا رب يتقبل دعواتكم جميعًا ورمضان يدخل علينا بالفرح والسعادة وكل حاجة حلوة وكل سنة وأنتم طيبين'.
وتشارك الفنانة نهال عنبر في مسلسل 'عودة البارون'، بطولة حسين فهمي، خالد سليم، ميس حمدان، ريهام سعيد، رزان مغربي، تأليف وإخراج سامر خضر.