عمرو أديب عن زيادة الأسعار: اللي بياكل بيضتين كفاية واحدة

قال الإعلامي عمرو أديب: "أنا قبل كده اتكلمت عن زيادة أسعار البيض والناس قعدت تعمل نكت وحوارات".
وخلال تقديم برنامج "الحكاية" عبر فضائية "إم بي سي مصر"، تابع أديب: "يا جماعة الأسعار بتزيد في معظم الدول لكن بيفكروا في حلول، والوضع ليس سهلًا، وكل همنا سعر جبنة البيضة بكام ودلوقتي بقت بكام؟".
وواصل أديب: "الأشهر القادمة أصعب أيام الأزمة، وأنا بقولكم أهو الأسعار أقوى من أي حد، وبتهرس أي حد".
وأكمل أديب: "يجب على الدولة أن تتحدث مع الناس، وهل احنا كمواطنين قررنا نقاطع السلع المرتفعة؟.. يا جماعة ده زمن تجار الغذاء.. وأي حد عنده فدانين خيار الله يسهلوا، فين الترشيد؟.. لو سمحتوا درجة حرارة التكييف تكون عالية.. وبلاش تولعوا النور كتير، واللي بياكل بيضتين كفاية واحدة.. وطبعا بعد الجملة دي هتطلع نكت جديدة بس مش مهم".
وأردف أديب: "ياريت كل مجموعة يركبوا عربية مع بعض عشان نوفر.. الدنيا مش زحمة يا جماعة.. شارع دهشور زحمة جدا من العربيات، والفترة الجاية صعبة".