كوكا يرد على ميدو: أنت فاضي والحقد عالي أوي عندك

قام أحمد حسام ميدو، نجم الزمالك السابق ومنتخب مصر، بالتقليل من إمكانيات أحمد حسن كوكا، مهاجم كونيا سوبر التركي، واصفًا إياه بالمتواضع، ليقوم الأخير بالرد عليه لتنشب أزمة بينهم.
وعلق ميدو على تغريدة من أحد رواد مواقع التواصل الاجتماعي 'تويتر' أشاد فيها الأخير بالمسيرة الاحترافية لكوكا، بعد إحرازه الهدف رقم 99 في الملاعب الأوروبية وأصبح ثاني الهدافين من المصريين المحترفين في الخارج.
وكتب ميدو قائلًا: 'مهاجم متواضع ولا يصلح للمستوى الدولي حتى ولو أحرز 1000 هدف'.
ليقوم كوكا بالرد على ميدو قائلًا:' مهاجم متواضع؟ اولا هو انت اصلا مين طلب رأيك؟ ثانيا انت مبطل كوره وانت عندك 29 سنه و كل الناس عارفه ليه، ثالثا لو رقم الاهداف الي انا جايبه شايفه قليل ماجبتوش انت ليه، مع إن اللي بيلعب في نادي اكبر فرصه بتكون اكتر في التسجيل، رابعا حاولت تبقي مدرب و مبتكملش شهر في اي نادي'.
وأضاف مهاجم قونيا سبور: 'انا عارف ان اكبر غلط اني ارد عليك وانت فاضي و عندك برنامج تتكلم فيه كل يوم بس انا برده مش هيهدني كلامك و هفضل في طريقي ، مركز في مستقبلي و مش عايز حاجه من الناس بعد مبطل كوره و بعد لما اموت غير السيره الحلوه'.
وتابع: 'خامسا بتحاول تبقي اعلامي و تتكلم عن ده وده عشان تبقي تريند بأي شكل ، اي حاجه عايز تدخل فيها ، ده حتي صلاح في اول مشواره كنت بتتكلم عليه وحش ، الحقد عالي اوي عندك من زمان وانت بتتكلم وحش عني'.
ليرد ميدو على حديث كوكا قائلًا: 'عمري ماروحت المنتخب علشان مناسب حد مهم..انت عارف كويس انت كنت بتروح المنتخب لسه..رد في الملعب حاول تروح المنتخب..انت لاعيب تعبان وكل مؤهلاتك نسبك وانت عارف كويس' .
وواصل نجم الزمالك السابق: 'عمري ما لعبت في دوريات الالاضيش اللي انت بتلعب فيها.. يا اهبل مصر كلها بتقول انك لاعيب على ماتفرج مش انا بس وتاني انت عارف كويس انت كنت بتروح المنتخب ليه'.
يذكر أن كارلوس كيروش، المدير الفني للمنتخب الوطني كان قد استبعد كوكا من قائمة الفراعنة المشاركة في كأس الأمم الإفريقية.