وراثة عن والدي| شيرين: مش أول مرة أحلق شعري.. وكنت بعاقب نفسي

قالت الفنانة شيرين عبدالوهاب: الحمد لله أنا حلوة، أنا كويسة، بس كلام الدكتور اللي كان معاك أول امبارح كلام محترم، بس ما فيش مرض نفسى لكن فيه عدم اتزان، أنا نزلت شغلي علشان بناتي شافوني كده.
وخلال مداخلة مع الإعلامى عمرو أديب لبرنامج "الحكاية"، تابعت شيرين: لم يكن أمامي غير كده، أنا حاسة أن دماغي بتفرز أفكار طول الوقت ولو سبت دماغي هتاكلني، وأنا عملت كده لأن هو نفسه أنا ما كنتش حلوة فى عنيه، عملت كده علشان هو ما يشوفنيش حلوة، والفرق بين حلاقة الشعر والطلاق يوم واحد، حلقت شعري قبل يوم واحد من الطلاق ودى مش أول مرة أقص شعرى، فاكر لما قولت إنى طالعة علشان أضحك الناس وقالوا عليا إني كنت بتريق على البلد، كنت مدبوحة ودبحونى أكتر وقتها، والأستاذ هانى شاكر اللى دافع عن ميريام فارس وما دافعش عنى ساعتها تعبنى جدا، وكون النقابة تعملى تحقيق، أنا عمالة أخد على دماغى لكن ربنا كريم مهما عملوا الناس اللى ربنا واقف فى ضهره الناس مش هتكسره.
وواصلت: أنا أقصر فى حق نفسى لكن لا أوذى أحد، ودى وراثة عن والدي، هو أصوله تركية وهما بيمتازوا بالقوة والجسم العريض والشعر الكثيف الأسود، ولما كان يزعل كان يشيل شعره كله، وأنا ورثتها عن أبويا، أنا غير أخواتى وأنا اللى حلقته بنفسى وبعدين جبت حد يخليه طول واحد.
مبروك عطية: التنبؤ به بما سيحدث في العام المقبل دجل وضلال مبين
شبورة مائية وأمطار.. الأرصاد توضح طقس الأيام المُقبلة (فيديو)
في 3 نقاط.. تفاصيل وشروط دخول المصريين السعودية لأداء العمرة (فيديو)
واختتمت: الإنسان الحساس بزيادة ممكن يؤذي نفسه، علشان يعاقب نفسه، وأنا كنت بعاقب نفسي، أنا غلطت في اسمى ومكانتي.