شقيق بدرية طلبة يفجر مفاجأة ويهددها: أنا ممتش زي مقالت وهما اللى بدأوا الحرب (صور)

فجر شقيق الفنانة بدرية طلبة، يدعى وليد طلبة، مفاجأة حول شائعة خبر وفاته، التي نشرتها شقيقته، مشيرًا إلى أنها قامت بذلك بسبب خلاف وقع بينهما منذ فترة مضت، مهددًا إياها بأنها ستدفع ثمن إعلان وفاته على الرغم من أنه على قيد الحياة.
شقيق بدرية طلبة يكشف أنه على قيد الحياة
ونشر وليد طلبة، شقيق الفنانة بدرية، عبر صفحته الشخصية بموقع التواصل الاجتماعي "فيسبوك" مجموعة من الصور وكتب عليها: "يا جماعة الفنانة بدرية اللي كانت المفروض اختى منزلة نعي عني أنى أتوفيت والمفروض اللي في النص دي كانت بنتي، وعشان رفضت أروح كتب كتابها النهاردة طلعوا عليا شائعة الموت بجد حسبى الله ونعم الوكيل فيكم".
وأضاف: "أنتم كلكم ميتين بالنسبة لي من سنتين لما سبتوا البيت ونزلتوا الساعة 2 بالليل، جايين دلوقتى تحتاجولي في كتب الكتاب، أنا يا جماعة مليش عيال وعيال مين اللي يعلقوا على شائعة على أبوهم إنه مات والله يرحمه وأنا على وش الدنيا.. عيال مين اللي أروحلهم تاني أنا خلاص ماليش ولا عيال ولا أهل وأخوات".
وتابع: "وأنتِ يا فنانة بدرية ميتة بالنسبة لي من زمان.. وإن شاء الله اللي قولتيه عليا بالكدب هيتقال على جوزك يوم فرح بنتك بالصدق انشاء الله.. وانتظروا مني أحلى مفاجآت ليكم يا اللي المفروض كلكم أخواتي ومن بطن واحدة انتظروا مني أحلى مفاجآت للكل وانتو اللى بدأتوا الحرب معايا".
بدرية طلبة تنعي وفاة شقيقها وتحتفل بكتب كتاب ابنته
جدير بالذكر أن بدرية طلبة، كانت نشرت عبر صفحتها الشخصية بموقع تبادل الصور والفيديوهات "انستجرام" صورة برفقة ابنة شقيقها، وكتبت عليها: "كبرتي يا قلب عمتو.. بنت أخويا رحمة الله عليه وكتب كتابها أنهاردة ربنا يخليلك أعمامك وخلانك الرجالة المحترمين سندك وضهرك ويرحم أبوكي برحمته الواسعة، إدعوا لمريم ربنا يتمم لها فرحتها وأشوفها أسعد البنات في بيتها".