تحولنا من لا دولة إلى دولة.. أبرز 10 رسائل من السيسي خلال افتتاح المشروعات السكانية بمدينة بدر

افتتح الرئيس عبد الفتاح السيسي، اليوم السبت، عددًا من المشروعات السكنية المتنوعة من مدينة بدر، ويرصد "أهل مصر " أبرز تصريحات الرئيس خلال الافتتاح:
مجهود الحكومة
واستهل الرئيس عبدالفتاح السيسي، الافتتاح بقوله إن الحكومة تبذل الكثير من الجهود من أجل الارتقاء بأحوال المواطنين المعيشية والحياتية، مضيفا: "ربنا وحده اللي يعلم، الحكومة بتتعذب معايا، وهتتعذب معايا، وأي مسئول كده، عشان ظروف بلدنا كده، مش عشان إحنا عايزين نعذب الناس، إحنا تحولنا من لا دولة إلى دولة.
اقرأ أيضا السيسي: "ربنا هيسألنى كنت فاهم وساكت ليه.. وهو اللى جابني وهيمشيني"
شبكة الطرق
وتابع الرئيس: بنتكلم على شبكة طرق ومعالجة مياه وموانئ وإسكان، إحنا قاعدين نشتغل بكم هائل علشان نحول حياة الناس من لا دولة إلى دولة".
اقرأ أيضا السيسي: "مش هلغى الدعم متخافوش بس هعيد تنظيمه"
أوضاع العشوائيات
قال السيسي: "البلاد اللي زي كده مش عايشة وملهاش مستقبل، والولاد اللي يتربوا هنا يهدوا بلادهم، والشخصية اللي هتطلع هنا هتكون غير سوية وغير قادرة على العطاء".
اقرأ أيضا السيسي يفتتح مشروعات سكنية بمدينة بدر.. بث مباشر
التعامل مع الأزمات
وقال الرئيس عبدالفتاح السيسي إن المواطن يستقبل كلامه بأنه اختار الطريق الصعب للتعامل مع الأزمات التي تواجه الدولة، مضيفا أن كل الناس تستقبل كلامي بإن أنا بختار الطريق الصعب أوي مش السهل، السهل كنت سبت الناس الغلابة كده وزودت العيش شوية وزودت التموين شوية وخلاص.
وتابع الرئيس: "لأ.. مناكلش ومنعش كده، تقولي تاكل وتعيش كده ولا متاكلش وتعمل زي ما أنا بعمل دلوقتي، لأ، مناكلش ونعيش زي ما بنعمل كده بالشكل المحترم ده".
50 سنة دراسة المشروعات
وأوضح السيسي: "بتكلم في قضايا ومصرّ عليها مش عشان وجهة نظر، أنا قعدت 50 سنة أدرسه، وليه البلد دي كده، وبجيب أمثلة وبختار الوقت اللي أتكلم فيه مع الناس، وبتكلم مع مفكرين بسمع كلامهم من 30 سنة، إحنا كده بنحل المسألة، الأمارة أهي، طب تعالى نتكلم في الإسكان والطريق وقضية المية، إحنا قاعدين نشتغل".
التصدي لقضايا الدولة
وقال الرئيس عبدالفتاح السيسي إنه يتصدى لقضايا الدولة المصرية، ويحاول منع تكرارها في المستقبل، حتى وإن كان ذلك في غير فترة حكمه، مضيفا: "أنا مش هبقى موجود في الوقت ده، بس هقولكم إيه اللي هيحصل وأتعامل معاه وكأنه حصل".
وتابع الرئيس: "لو قولت مش هبقى موجود واللي موجود وقتها ربنا يوفقه وأنا شايف وفاهم اللي هيحصل وساكت، ربنا هيحاسبني هيقولي كنت ساكت ليه؟.. هقول أصل كنت عايز أستمر وأفضل على الكرسي على طول.. هيقولي الكرسي ده أنا اللي جبتك فيه.. وأنا اللي همشيك منه.. مالك الملك يؤتي الملك من يشاء، وينزع الملك ممن يشاء.. أقوله إيه ساعتها؟!".
وأكد الرئيس: "الأمانة تقتضي التصدي للي أنا فاهمه وشايفه، قلت فرصة نشوف ده، برنامجنا في رفع كفاءة وتحسين أحوال الناس مستمر لأن حجم الجهد المطلوب ضخم جدا، وهنستمر في العمل لتحسين حياة الناس، مستقبل البلاد مش كلام، ده جهد وعرق وتضحية، علشان الأجيال الصغيرة تعيش ويبقى ليها مستقبل".
تكلفة الدعم
أكد الرئيس عبد الفتاح السيسي أن الدعم يكلف الدولة 275 مليار جنيه سنويا، أي حوالي 3 تريليونات جنيه على مدى 10 سنوات، مشيرا إلى أن مشروع تطوير الريف المصري يحتاج إلى ثلث قيمة الدعم خلال 10 سنوات.
أكد الرئيس عبد الفتاح السيسي أن الدعم يكلف الدولة 275 مليار جنيه سنويا، أي 3 تريليونات جنيه على مدى 10 سنوات، مشيرا إلى أن مشروع تطوير الريف المصري يحتاج إلى ثلث قيمة الدعم خلال 10 سنوات.
مشكلة النمو السكاني
قال الرئيس السيسي إن تحسين أحوال المواطنين ليس بالإنفاق فقط بل بضبط النمو السكاني، مضيفا أن حل أزمات الدولة لابد أن يعتمد على ضبط النمو السكاني وتنظيم مسارات وتوجهات خطط التنمية، قائلا: "صدقوني الحل لو مكنش فيه ضبط للنمو السكاني وتنظيم لمساراتنا هنكون بنواجه نفس المشكلة".
بديل العشوائيات
وتابع الرئيس: "أي بيت أو شقة هنا بديله بكام من الناحية التانية دخل على 450 ألف جنيه من غير الأرض والمرافق، وبنقول لأ.. احتراما للناس لازم نفرش الشقة كمان بتاخدلها في حدود 50 ألف جنيه فرش، يا ترى في مقابل للموضوع ده.. مفيش مقابل، مبنبعش الشقة دي للناس، بنقولهم ادفعوا تمن الصيانة للمكان علشان يستمر، مفيش أي عائد للدولة من ده غير تغيير حياة الناس".
وواصل: "بقول تاني لابد نعمل ربط بين النمو السكاني والقضايا والإشكاليات التي قابلت المجتمع خلال ال 100 سنة الماضية، ممكن يكون دولة عندها موارد تلبي المطالب، طيب معندهاش، الناس هتبدأ تتصرف في إطار يلبي إمكانياتها والمجتمع كله ينمو بشكل غير مخطط وغير إنساني".
قضايا الوعي
وقال: بكلم رجال الفكر والثقافة والسياسة والإعلام، بسمع على مدى السنين اللي فاتت التلفزيون واقرأ مقالات عن الأمر، لكن اعذروني فيه فرق كبير بين التنظير وبين حل المسألة فعليا، مشددا على ضرورة الاهتمام بقضية الوعي كونها القضية الرئيسية ليس فقط في مصر ولكن في العالم كله.
وأضاف السيسي، قضية الوعي هي أخطر قضية تواجه المجتمعات ليس في مصر فقط ولكن في كل الدنيا، الناس بتقول اللي كنا فيه ضعف مسؤولين ولا غياب إرادة ولا إيه، الموضوع على بعضه أمور مركبة تنتج حالة يصعب على المجتمع تجاوزها، والرأي العام عايش يعيش.
وتابع الرئيس: هسأل علماء النفس أو الاجتماع، يقولوا المزاج العام لسلوكيات ومبادئ ومستقبل وطموح الأطفال في المناطق دي (العشوائيات)، تقولي طيب ما احنا حلينا المسألة، ده فضل كبير أوي أوي من ربنا على مصر من أول 2011 وحتى اليوم، المفروض ميبقاش الوضع كده، كان مخطط نتقاتل مع بعضنا البعض والدولة تروح.