أثارت الفنانة حلا شيحة الجدل في الساعات الماضية عقب حديثها عن الموت ووفاة الفنان الكبير سمير غانم، وكيف تأثرت بمشهد الجنازة، وتساءلت هل هي مستعدة للقاء الله. كان حديث حلا شيحة مليء بالمشاعر المختلطة. حلا شيحة تعود الحجاب علمت "أهل مصر"، أن حلا شيحة تعيش فترة من التشتت بسبب شعورها بالخوف من الله هذه الفترة، ولهذا أكد المقربين منها أنها تفكر بالعودة إلى ارتداء الحجاب دون ضغط من أي شخص ولكنها تستجمع شجاعتها للإقدام على هذه الخطوة. اقرأ أيضا حلا شيحة مغازلة معز مسعود: مفيش كلام يوصف غلاوتك عندي خوف حلا شيحة من الموت كانت حلا شيحة تحدثت عن الموت، عبر حسابها بموقع الصور والفيديوهات الشهير "إنستجرام"، وكتبت: "مشهد محتاج لحظات للتأمل ووقفة طويلة مع النفس كل ما تحصل حالة وفاة من قريب أو بعيد بلاقي نفسي جوا المشهد وبتخيل اللحظة دي لأنها مفيش مفر منها حتيجي فجأة أو بعد مرض المهم انها جاية وكلنا حنمر بيها، وبفكر ياتري هل انا مستعدة للحظة دي ؟! مستعدة لاستقبال عالم تاني !؟ مستعدة اقابل رب العالمين ؟! مشهد مرعب اكن الامتحان خلص خلاص و مستنية النتيجة". وتابعت: " كل يوم بيموت من حبايبنا واقرب الناس لينا كلنا بنحضر الدفن والعزا طب و بعد كدة ايه ! منا اللي بيكمل عادي زي ما كان ومنا اللي مش عايز يركز في اللحظة دي و منا اللي بيفكر شوية وخلاص بعدها بينسي و منا اللي مش حيعدي عليه المشهد ده كدة و خلاص.. انا بسأل نفسي ياتري احنا بنفني عمرنا في ايه و في مثل مشهور بيقول (العمر مش بعزءة ) مركزين بس في نجاحاتنا و امالنا و مراكزنا، في مشاكلنا و مطحونين في دوامة عمرها ما حتخلص، ياتري ربنا في حياتنا فعلا ؟!و لا نسينا في الزحمة نفكر اننا ماشين .. ليه بعد كل موقف وفاة مؤلم زي ده بننسى و بنرجع تاني لنفس الحال بتاع بكرة حبقي احسن بكرة حصلي". وأضافت: " بكرة حرضي ربنا بجد و ناس ناسية ربنا اصلا ده حتي بقي الخلاف علي الدين نفسه ده حتي الشك اللي اتبنى جوانا من كتر البعد عن ربنا بقي يخلينا نشك في وجود ربنا اصلاً المعايير اتغيرت جوانا و الاولويات اتلخبطت، مفيش أية في القران عن الدنيا الا و الكلام ان الدنيا لهو و لعب و متاع الغرور و اتحدي اي حد يلاقي غير كدة وبقول لنفسي يا ترى انا فين من المعاني دي وبسأل نفسي لو مسألناش نفسنا دلوقتي حنسأل امتي ؟! الدنيا اللي حنعيشها ايام و حنفارقها و بردو متمسكين بيها وفجأة هنلاقي نفسنا في المشهد ده!! لحظة الصدق هي دي (لمثل هذا فليعمل العٰملون )". واختتمت حلا شيحة حديثها وقالت: "مشغولين برأي الناس فينا و شكلنا و مكانا و شهرتنا حتزيد ازاي و محدش حينفعنا في اللحظة دي بفكر كل لحظة علشان بحب ربنا و متأكدة اننا كلنا بنحبه و بنحب كلامه و كلنا لينا لحظات خاصة معاه سبحانه و كلنا عايزين نكون قريبين منه ،و احنا بنبعد بدل ما نقرب حتي شهر رمضان بقي شهر لكل حاجة الا ربنا و القران مع ان مفيش اهم من ايات القران اللي احنا ناسينه بقالنا كتير وحتي لما نقراه بيعدي من غير تركيز حقيقي في معانيه و كورونا اللي حاسه انها دخلت حياتنا عشان تفكرنا وبردو مكملين عادي، مش عارفة اعدي المشهد ده كدة و امبارح فضلت صاحية و صليت الفجر و مش عارفة انام بفكر في استاذ سمير غانم الجميل اللي كنت بتفرج عليه من صغري وقبله استاذ محمد الصغير و فكرت لو ده كان معادي حكون مستعدة؟! كلام صعب بس ده اللي جوايا". زواج حلا شيحة ومعز مسعود جدير بالذكر أن الفنانة حلا شيحة تزوجت من الداعية معز مسعود يوم 8 فبراير الماضي في حفل اقتصر على الأهل والأصدقاء. حلا شيحة تخلع الحجاب وكانت الفنانة حلا شيحة خلعت حجابها في عام 2018 وعادت للتمثيل، بعد أن كانت اعتزلت عام 2006 وارتدت الحجاب والنقاب. حلا شيحة تعود للتمثيل يشار إلى أن الفنانة حلا شيحة خلعت حجابها عام 2018 وعادت للتمثيل من خلال مسلسل زلزال أمام محمد رمضان عام 2019، ثم وقفت أمام يسرا في مسلسل خيانة عهد عام 2020.
