"مش لاقى آكل ولا أصرف على عيالى"، بهذه العبارة بدأ مواطن يعانى من تراكم الديون على عاتقه، حديثه أمام مكتب شكاوى المواطنين بمجلس الوزراء. "اليوم السابع" التقى المواطن السيد حسن محمود صاحب ال64 عاما وبدأ فى سرد قصته "أنا أبلغ من العمر 64 عاما عملت ميكانيكى معدات فى إحدى الشركات الخاصة، وتوجهت فى عام 2005 لاعتماد إجازة مرضية، وعند عودتى من الإجازة فوجئت بعدم اعتمادها، وتم فصلى من عملى بشكل تعسفى". وبوجه تعلوه علامات الاستياء والاستسلام أوضح "السيد محمود": أن السبب فى الضائقة المالية التى يمر بها حصوله على قرض بضمان معاشه فى عام 2006، قائلاً "بنتى جالها عريس وأنا عايز استرها ومحسسهاش أنها أقل من غيرها فأخدت قرضا ب 30 ألف عشان مكسرش عينيها وماضيعش فرحتها، بس من يومها وكل معاشى بيروح لتسديد القرض على طول وأنا ماليش أى دخل، وابنى فى الثانوية العامة، وكان متفوقا جدا بس طلع من المدرسة عشان مش قادر أتكفل بمصاريفه". وطالب السيد حسن، رئيس الوزراء المهندس إبراهيم محلب بالنظر فى حالته بعين الاعتبار ومد يد العون له قائلا "أنا مش عايز حاجات كتير أنا بس طالب إعانة أو معاش عشان ابنى يكمل تعليمه وأعيش عيشة مستورة وأربى أولادى ويكونوا نافعين لنفسهم ولبلدهم بدل ما مستقبلهم يضيع ويمشوا فى الطريق الغلط، ويبقوا إرهابيين.