قولوا نعم للخير علشان ننول المنى ونجدد التعمير مصر النهاردة العظيمة بتكتب كتابها ع التوحد تكتب كتاب المجد وتعدى الطريق وتتخلص من الأوهام وتفتح بابها للإعلام والانسجام والاحترام وتقول لكل الدنيا أنا أم البلاد فيا شعب مصر العظيم وجب علينا كلنا نقف ورا مصرنا ونكتب كتاب مجدنا ونقول لكل الدنيا إحنا ولاد الأصيلة أم الضفاير دهب أم الحليب البكرى قلعة لكل العرب مصر النهاردة بتتولد تكتب ميلادها فى السما الصافية تشطب على كل الهاموش والناموس وتدوس على كل اللى مايسووش كل اللى ما يسووش يعيشوا على أرضها فاحفظ لها يا فتى كل التاريخ والمجد واقف كما الصنديد حديد وليد مجيد عتيد فى وجه كل المغطرسين والعابسين والحالمين بالدم امسح لها وجهها واكتب معانا عرفها سطرين غنا سطرين أمانى سطرين منى سطرين أغانى وقولوا نعم للبنا قولوا نعم للخير علشان ننول المنى ونجدد التعمير وافتح لها الكراس خلصها م الأرجاس وحدها ع الوحدة والقوة والإخلاص مصر البلد دى محتاجة لعمل وكفاح محتاجة لعرق ونبل وجانا اللى خدنا من أيدينا للطريق الصح هذا الفتى المغوار بطل من الأبطال هايعيدنا تانى للبسالة للنبالة وللشرف والمجد وتغنى تانى الأرض ونحمى الشرف والعرض ونمحى كل السواد واللى عاشقين الحداد على ضياع الكذب الصدق ما أحلاه والود ما أروعه هانعيش حياتنا فى ود ونكتب كتاب السعد ونقول نعم للبنا ونقول نعم للخير علشان ننول المنى ونجدد التعمير