منال الاتربى : مشاهدينا السلام عليكم واهلا بكم ولقاء يتجدد فى مساحة للراى فى حوار يتناول بيان الحكومة وما يحملة من دلالات ولاى مدى نجح الدكتور هشام قنديل وفريقة الوزارى فى تنفيذ الاهداف الموضوعة حوارنا اليوم مع الكاتب الصحفى محمد على خير الكاتب الصحفى محمد على خير اهلا بك ضيفا كريما وعزيزا استاذ محمد الاستاذ/ محمد على خير : اهلا بيكى منال الاتربى : بداية ما هى ملاحظاتك على بيان الحكومة ؟ الاستاذ/ محمد على خير : قبل الحديث عن الملاحظات بسرعة خلينا نقول بس كام نقطة عشان السادة المشاهدين يكونوامعانا اول نقطة ان تلك الحكومة اول مرة فى التاريخ المصرى عندما جرى تكليفها بان يبقى الدكتور هشام قنديل يبقى رئيس الحكومة لم يصدر لها خطاب تكليف من السيد رئيس الجمهورية عادة رئيس الدولة عندما يختار او يقلد حكومة بيبعت لها جواب اسمة خطاب تكليف بيحدد له المهام اللى هوعاوز منها انها توجزها زى مثل تحديد نسبة الفقر اصلاح مثل 30 منطقة عشوائية الحفاظ على سعر صرف العملة يعنى توجهات سياسية اقتصادية الى اخرة رئيس الجمهورية بيرى ان فى الفترة دى هو محتاج النقاط دى ماشى اللى حاصل ان تلك الحكومة عندما جرى تشكيلها لم يصدر لها خطاب تكليف من السيد رئيس الجمهورية وبالتالى هى شغالة بدون كتالوج يعنى ربما يكون البعض يقوم الثورة الاهداف معروفة او معلنة منال الاتربى : اذا يصعب محاسبتها فيما بعد؟ الاستاذ/ محمد على خير : نعم لان انا دلوقتى لو حضرتك جيتى خاطبتى رئيس الجمهورية او رئيس الحكومة وقلتى له مثلا بعد نفترض ان قعد سنة اتنين ثلاثة قلتى له لماذا لم تقضى مثلا على العشوائيات فى مصر ؟ ايه اسباب انهيار سعر صرف الجنية انت عملتايه ممكن يجى يقولك انا لم يصدر لى خطاب تكليف فى النقطتين دول منال الاتربى : نعم الاستاذ/ محمد على خير : فبتالى زى ما انتى كده منال الاتربى : او لم يحدد زمانها الاستاذ/ محمد على خير : لم يحدد زمانها حضرتك لما بيتجيبى حتى مدرب لفريق كرة قدم بتقولى له انا عاوزاك مثلا لو هيدرب الاهلى هيخدلى الدورى عاوز احتفظ بالمركز الاول او التانى علشان تعرفى تحاسبية منال الاتربى : طبعا الاستاذ/ محمد على خير : البرنامج الحكومى دائما بياتى بعد خطاب التكليف يعنى ليه عشان بيبقى مرتبط ان انا كحكومة ناوى اعمل1-2-3 بناء على التكليف اللى جالى من رئيس الجمهورية لكن فده برنامج اتعمل بدون خطاب تكلفة الملاحظة التالتة المهمة ان الحكومة عندما ذهبت امس والتقت برئيس الجمهورية لم تلتقى به بصفتة رئيسا للدولة فى هذا الموقف امس ولكن التقت به بصفتة يحوز على السلطة التشريعية بعد قرار حل البرلمان وبعد اعلان الدستور المكمل الغاؤة الى اخرة فالرئيس الدولة الان فى حوذتة السلطة التشريعية او حل محل السلطة التشريعية المعروف ان اى حكومة عندما يصدر لها خطاب تكليف ثم تعد بيانا للشعب تلقية فيجب ان تلقية امام البرلمان امام مجلس الشعب حتى يناقشها ويعدل فى الميزانية الى اخرة يعنى يبقى له ملاحظات على البرنامج يقولها لها لأ اسحبى الفلوس من منطقة مثلا وبالتالى رئيس الجمهورية امبارح لعب دور السلطة التشريعية طيب رئيس الجمهورية هى الذى اتى برئيس الحكومة هل يمكن له فى حالة الازدواجية مع السلطة الرئاسية والسلطة التشريعية ان يحاسب الحكومة او يرفض بيانها المؤكد لأ يعنى انا عندما سلطة تمتلك سلطتين التشريعية والرئاسية ناتى الى هذه الملاحظات ناتى الى جوهر البيان اللى القاه امس رئيس الحكومة منال الاتربى : دكتور هشام قنديل الاستاذ/ محمد على خير : اه دكتور هشام قنديل واللى سمى نفسة فيها اعتبرونى ان انا امثل حكومة الثورة هنرجع ل الملفات الرئيسية الملف الاساسى عند المواطن كان محدد طوال السنة ونص ولا يزال استعادت الامن ثم ادارة عجلة الانتاج ثم تحسين الوضع الاقتصادى يعنى الامن والاقتصاد دكتور هشام قنديل امبارح بيؤكد على ان الامن جيد بدليل ان استشهد من افراد الشرطة منال الاتربى : 64 الاستاذ/ محمد على خير : ضابط وجندى طيب يعنى اذا انت جيت يا دكتور هشام مع احترامى لشخصك بتبعدد ده ما ربما ده جاء بشكل معاكس ينفى النظرية الذى يريد ان يثبتها يعنى معنى وفيات تلك النسبة من افراد الشرطة لو قارنتيها بسنين فاتت ده رقم كبير مش قليل لكن خلينا نقول بشكل موضوعى انا كمواطن اشعر فعلا بان هناك تحسن فى مسالة او فى ملف الامن يعنى انا بامر على الطرقات الدائرية منال الاتربى : وان كان تحسن تدريجى فهو مقبول ايضا الاستاذ/ محمد على خير : فى النهاية فى خلال التلت اشهر التحية هنا ايضا مردود الى شخص او مسئول او الملف الامنى الا وهو وزير الداخلية اوحية على حملتة اللى حصلت عند بحيرة المنزلة مثلا فاذا ملف الامن حقق بعض الانجازات لكن اذا عدنا الى الملف الاقتصادى لأ احنا عندنا مشاكل كتيرة جدا امبارح فى الصفحة الاولى فى الاهرام بتعرض المانشت الرئيسى ليها تصريح ل السيد رئيس الوزراء الدكتور هشام قنديل بيقول جذب استثمارات الان فى مصر فى خلال الشهرين اللى فاتوا قيمتها 48 مليار جنية 48 مليار يعنى 48 الف مليون جنية فين يعنى او جاءت تلك هذه الاستثمارات وكانت استثمارات اجنبية اى بالعملة الصعبة جاءت بالدولار اذا كان ذلك حقيقيا ونحن لا نكذبة ولكن بنوعمل عقلنا لماذا ارتفع سعر صرف الدولار مقابل سعر صرف الجنية الدولار النهاردة ب 6 جنية و13 قرش ونص يعنى اذا دخلت لنا كل تلك المليارات بادولارات المؤكد ان سعر الجنية كان يبقى اقوى امام الدولار حاجات تانية اعلن عن ان فى انشاء 180 مصنع فى الثلاث شهور الماضية لماذا عشان احنا بردوا كمصريين عندنا عقدة فى التعامل مع الجهازالنفيذى مع الحكومة مفيش ما اصدقهاش وده ميراث لا يتعلق بالدكتور هشام قنديل عامة كده المواطنين لان اتعرضوا لحالات كذب بشعة مطلوب من السيد رئيس الوزراء ان هو يسمى لنا اسماء المصانع والمشروعات اللى جرى تاسيسها ال 180 مصنع اللى بيقول عليهم ثم يحدد لنا 48 مليار جم من اى البلاد احد المستثمرين اضخوا فيه دى حاجة تتعلق بالشفافية لان الوضع الاقتصادى لأ المصريون يعانوا معاناة كبيرة جدا حضرتك مواطنة وعايشة فى مصر وانا كذلك والسادة المشاهدين عارفين ارتفاع الاسعار بشكل غير عادى منال الاتربى : حضرتك بتبحث عن شئ معين يعنى يطمأنك ويطمأنى ويطمأن كل المواطنين استشعر هذا فى كلام حضرتك ؟ الاستاذ/ محمد على خير : انا هقول لحضرتك خلينا عندما منال الاتربى : عايزنا نبقى فى الصورة ؟ الاستاذ/ محمد على خير : اه عندما يقول رئيس الحكومة او اى حكومة بيانه بيسمعة اتنين مواطن بسيط ورجل سياسة انا لن اتحدث عن تعليق القوى السياسية ليه لانوا كل فصيل سياسى له مارب فى التعامل مع الحكومة يا اما انوا عايز يفشلها عشان يجى مكانها او انوا يطعن فى تلك الحكومة اللى شكلها رئيس الجمهورية المحسوبة على جماعة الاخوان يعنى المواطن يبحث عن شئ مهم بالنسبة له سواء رئيس الحكومة ينتمى الى تيار بعينة او لاينتمى هو يبحث عن وسيلة مواصلات موجودة فرصة عمل تحسين فى احوالة الاقتصادية توافر كهربة مايبقاش فى ارتفاع اسعار بنزين المواطن وهو قاعد بيسمع البيان امبارح عايز توفير الامن وعايز يحقق شرط العدالة الاجتماعية المواطن هو ده اللى بيبحثة فى البيان لرئيس الوزراء لكن هو مش قاعد ماسك رئيس الوزراء عشان عاوز يمشية لانوا لو مشى رئيس الوزراء مش هيجد المواطن من يحل محلة وبالتالى كان ينبغى على رئيس الوزراء انوا منال الاتربى : الاهداف متباينة الاستاذ/ محمد على خير : الاهداف متباينة بين الفصائل السياسية والقوى المعارضة وما بين المواطن اللى هوبيشكل الغالبية العظمى يعنى اللى بيعمل فى السياسة ايه 1% لكن المواطن البسيط بيبحث عن المواطن البسيط كان عايز النهاردة يطلب من رئيس الحكومة وليس وزير النقل والمواصلات على الهوا ويقول مثلا انى اتابع ما يجرى من اضراب فى حركة مترو الانفاق لكن هذا لم يحدث احنا سبنا الموضوع لوزير النقل يحل تلك المشكلة منال الاتربى : حضرتك لم تستشعر ان حكومة الدكتور هشام قنديل تسير وفق رؤية معينة لترتيب سياساته الاستاذ/ محمد على خير : انا اشعر ان هناك حالة من حالات مفيش بالانجليزى business plan مفيش خطة بشكل اساسى يعنى تحركات الوزراء حتى عشوائية هاخد مثال واحد فقط يؤكد على فكرة التخبط وعدم وضوع الرؤية منال الاتربى : اتفضل الاستاذ/ محمد على خير : الا وهو القرار الذى يتعلق باغلاق المحلات ليلا فى العاشرة مساءا منال الاتربى : نعم ع لو سالتى اى مواطن فى الشارع الان نتيجة القرار ده ياترى القرار ده هيطبق والا لأ يقولك معرفش ليه لان كل يوم عمال يسمع من وزير فى نفس الحكومة راى مخالف لزميلة وبالتالى ده معناه ان الحكومة ما استقرتش على حال اناهسال حضرتك اهو على الهوا منال الاتربى : وان كان القرار صائب من الناحية النظرية الاستاذ/ محمد على خير : انا مش هناقش القرار صائب اوغير صائب انا بناقش ايه فكرة التخبط بتشعرى انك اما حكومة عبارة عن جزر منعزلة بمعنى ايه ان يطلع وزير يقول هنطبقة الساعة 10 وزير تانى يقولك وصلنا لمرحلة ان احنا هنطبقة الساعة 11 وزير تالت يقولك هنطبقة انا كصحفى لو انا متابع هذا الملف وهعلق عليه انا معرفش يعنى لو سالت امتى لو حضرتك سالتى حالا على الهوا هقولك والله معرفش اخر كلام عمال اسمعة انوا هيطبق اول ديسمبر بس هيطبق على محافظات بعينها ام لأ بمعنى ما طلعليش بيان واضح كده من مجلس الوزراء صدر بيان كذا من كذا هيتم تطبيقة فى كذا والية تنفيذة كذا والعقوبات كذا ده لم يحدث حصل ضغط من اصحاب المحلات اى ان كان بقى عندهم حق والا مش عندهم حق طيب الحكومة عندماتتناول قرار انا اراه قرار بسيط يعنى ده قرار ادارى مش قدر من التعظيم مش زى مثلا ادارة الملف الامنى فى سينا مثلا طب تلك الحكومة كيف ستتعامل مع بقية الملفات الصعبة فى البلاد ده جزء الجزء التانى انا لا اتحدث على الطريقة التى جرى بها اختيار رئيس الوزراء لان ده امر يتوقف على سياسات رئيس الدولة بس كنا نرى مثلا انوا كان يجب تفعيل رئيس الوزراء ينتمى الى مجموعة اقتصادية لانه قادم من وزارة الرى لكن ليه مكنش عندى فريق اقتصادى يتولى ادارة الملف الاقتصادى فى الدولة المصرية فى هذا الوقت الصعب منال الاتربى : هل هذا يعنى انك ترى ان حكومة الدكتور هشام قنديل حكومة مرتبكة ؟ الاستاذ/ محمد على خير : نعم مباشرتا نعم يعنى فى خلال ال3 اشهر مثل لم اجد وزير يعنى عادة لما كان فى حكومات سابقة كنت على الاقل بعد مرور 3 اشهر كان المواطن العادى بيحفظ اسمة وزير او اتنين او تلاتة من حجم انجازة يعنى زى النهاردة احنا حافظين اسم اللى هو احمد جمال الدين منال الاتربى : وزير الداخلية معروف الاستاذ/ محمد على خير : لأ متواجد راح بحيرة المنزلة بتنزلى تشوفى الضباط الطرقات منال الاتربى : يعنى شغل تتحدث عنه الاستاذ/ محمد على خير : اه الكل يتحدث عنه اضافة الى ان هو بعيد ايضا عن العلمية الاعلامية نادرا ما تظبطى وزير الداخلية فى اى حدث مقارنة باسلافة منذ الثورة حتى الان يعنى فاهو ده اللى مخلى الواحد يتابع اسم وزير الداخلية اللى هوالنشاط زى ما حضرتك اشرتى الى ان شغل ماذا عن بقية الوزراء ماذا عن الاقتصاد يعنى اللى هو الملف اللى معنى به المواطنين لا شئ لا جديد على الجانب الاخر بس خلينا ننتقل الا تصريحات القوى السياسية انا اجد ان فيها ايضا قدر من مش عايز اقول التربص ولكن التحفذ على الحكومة يعنى ربما كانت بيانات القوى السياسية معده سلفا قبل ان يخرج رئيس الوزراء ببيانة وده امر انا ما احبوش يعنى ان انا لا اميل او لا افضل الى ان القوى السياسية تنتقد بيان رئيس الحكومة بدلا من ان تعرض رؤية فتقول لقد مثلا تخلى رئيس الحكومة في بيانة لم يرد ذكر مثلا العدالة الاجتماعية زى ما حضرتك اشرتى ولا كحزب مثلا س يطالب ب 1-2-3 تفعل الحد الادنى والاقصى للاجور مثلا تخصيص يعنى تقديم مساعدات عينية للى بيعانى البطالة رؤية يعنى منال الاتربى : طب حضرتك فى هذه النقطة دعنى اسال حضرتك فى الفترة الاخيرة تعرضت حكومة الدكتور قنديل لهجوم شديد خاصة من بعض اعضاء حزب الحرية والعدالة بالشورى لدرجة ان البعض يحملها مسئولية ضعف شعبية الرئيس محمد مرسى وهذا يضعنا اما السؤال التالى هل حزب الحرية والعدالة يريد ان يبرئ ذمتة من الفشل ده السؤال الاول ؟ الاستاذ/ محمد على خير : خلينا نتفق ان نجاح حكومة هشام قنديل سوف يصب فى صالح رئيس الجمهورية يعنى الشعب هيكون راضى ومبسوط عنده اتوفر له كل حاجة ورئيس الجمهورية فى حالة زيادة شعبية رئيس الجمهورية ينعكس هذا على حزب الحرية والعدالة الذى ينتمى اليه منال الاتربى : امال جه منين الهجوم ؟ الاستاذ/ محمد على خير : الهجوم لان راى حزب الحرية والعدالة ان اداء حكومة هشام قنديل ليس على المستوى المطلوب والذى سوف يؤثر على حظوظ او فرص حزب الحرية والعدالة مرشحى الحر ية والعدالة فى الانتخابات البرلمانية القادمة المزمع اقامتها خلال اسابيع قليلة بعد الاستفتاء على الدستور منال الاتربى : نعم الاستاذ/ محمد على خير : وبالتالى بدات بالهجوم خلينا بس نرص ملاحظة ان حزب الحرية والعدالة اطلاقا صواريخ النقد على حكومة هشام قنديل منذ اربع او خمس اسابيع ثم توقفوا ثم عاودوا الهجوم مرة اخرى منال الاتربى : ولكنها ليست لعبة سياسية الاستاذ/ محمد على خير : ماهو اى فعل هيقوم به حزب الحرية والعدالة لعبة سياسية لكن يعنى أمبارح مثلا ارسلا حزب الحرية والعدالة يطالب السيد رئيس الجمهورية بتغيير عدد معين من الوزراء طب ماهو باى صفة يعنى حزب الحرية والعدالة ليس اغلبية برلمانية لان مفيش برلمان فهل اذا ارسل احد الاحزاب حتى لو كان الحرية والعدالة الى مؤسسة الرئاسة يطلب تغير عدد من الوزراء هل يحق لحزب الوفد اوحزب التجمع ان يتصرف بالمثل فده بردوا بيعمل خلط ولاتزال جماعة الاخوان المسلمين على تواصل او على ما اسمع مؤسسة الرئاسة وهذا ما لاينبغى ان يكون مصداقا لما قالة رئيس الجمهورية انه سيكون رئيسا لكل المصريين وسيتخلى او يقلع عباءة الاخوان المسلمين منال الاتربى : على اساس هذه الاجابة ياتى السؤال الثانى ما مدى تسابق هذا الهجوم مع الواقع ؟ الاستاذ/ محمد على خير : نعم ان الحكومة اداءها غير جيد على الاطلاق المواطن لا يشعر بتحسن فى مسالة الملف الاقتصادى يعنى سعر صرف العملة ايضا اللى هو بيتكلم بيه مسالة الجنية بيرتفع يوم بعد اخر وده هيؤثر على المواطن البسيط لو كان بيشترى زجاجة الزيت ب 7 وب 8 جنية هيشتريها ب 9 و10 جنية ده كمثال احنا بنستورد اكثر من 65 % من المواد الغذائية من الخارج وبالتالى احنا بنستخدم الدولار والعملة الصعبة عندما ترتفع اسعار صرف العملات هينعكس ده على اسعار السلع عندى فا اداء الحكومة لأ غير جيد لكن باستثناء بعض الملفات زى ما ذكرت لحضرتك الا وهو ملف الامن فقط لكن انت امام حكومة تفتقد فكرة الرؤية يعنى مثلا يعى ليه ما اطلقش هشام قنديل من اول يوم مثلا منال الاتربى : هوده نقص خبرة ؟ الاستاذ/ محمد على خير : نعم طبعا المؤكد اه يعنى فكرة هو فى النهاية لازم يمارس ادارة فريق ادارى بهذا الشكل كمدير مكتب لاحد الوزراء وزير الرى لعصمت محمود ابو زيد ثم وزير الرى حكومة الجنزورى لكن مثلا منال الاتربى : هذا السؤال لانى لا اشكك ابدا فى نيتة انهم فعلا عايزين يحققوا شئ الاستاذ/ محمد على خير : من المؤكد ان كل مسئول قاعد على كرسية سواء رئيس وزرا او وزرا او رئيس الجمهورية عاوز يحقق انجاز للشعب امر طبيعى ان لم يكن بيسعى لتحقيق مصلحة للشعب طلب لصالحة هو على الكرسى ان يجدد له يعن لكن مثلا ليه ما طلقتش الحكومة مثلا فكرة مشروع كبير فى محافظات الصعيد احنا عندنا مشكلة على نسب ارتفاع بطالة وامية فى الصعيد طب انا لو جبت استثمار محلى حتى هنقيم مصنع هناك مثلا مصنع لانتاج السخانات بالطاقة الشمسية وده مصنع دراسات الجدوى بتعتة موجودة مسئول ملف السياقة فى مؤسسة الرئاسة عنده تلك الدراسة معاملات البنوك على استعداد ان تمول هذا وانا اقول هذا لاول مرة فى برنامج حضرتك طيب ليه ما يسلكش لماذا لا يطلق مشروع بهذا الشكل فى الصعيد ليه ما يطلقش مشروع ليه رئيس الورزاء ترك وزير الدفاع او الداخلية هو اللى يروح على سينا عشان يشوف الاحداث الارهابية اللى هناك وكده اعطى اشارة ان ملف سينا سيضم بشكل امنى بينما لازم ان يكون له بعد اقتصادى ايضا منال الاتربى : صحيح الاستاذ/ محمد على خير : رئيس الوزراء ركب الطيارة معاهم معاهم وفد مش وفد بقى ناس من الحكومة وزراومعاه شخصيات فنانين ومفكرين ويقولوا لاهالى سينا احنا معاكوا ويعلن اطلاق مشروع كبير من هناك ليه رئيس الحكومة مخدش وفد وزارى كبير او حتى عرض على السيد رئيس الجمهورية اللى بيسافر معة نائب رئيس الجمهورية الى ليبيا الدولة المجاورة ليبيا كعكة اعمار ليبيا اى ان ما ستنفقة ليبيا على اعادة اعمارها بعد الحرب اللى عليها لاسقاط القذافى هتبلغ 400 مليار دولار تخيلى لو احنا مصر خدت 10% بس منال الاتربى : من ال ربعميت مليار الاستاذ/ محمد على خير : من الربعمية يعنى 40 مليار ده غير ان انا هعمل ايه هبعت شركات مقاولات مصرية تبعت عمالة مصرية تروح تشتغل هناك يبقى انا ال40 مليار جنية منال الاتربى : المصلحة متبادلة الاستاذ/ محمد على خير : المصلحة متبادلة ثم انا دار الجوار ليبيا وليبيا اقدر اقدم لها زخم ودعم فنى واقتصادى وسياسي منال الاتربى : طب علشان نكون منصفين هل توقعاتنا اكبر من امكانياتهم ؟ الاستاذ/ محمد على خير : هسالك سؤال الكلام اللى باقولة ده والسادة المشاهدين بيسمعونا يعنى صعب صعب رئيس الحكومة يطلع على ليبيا ومعاه وفد ويقول ياخونا عايزين ناخد جزء من الكعكة بتاعت ليبيا هيقولوا لأ ليبيا كان عندها مشاكل قبلها بسنة ونص اثناء الفترة الانتقالية معانا منال الاتربى : يعنى انا اتحدث فى ظل الهجوم الشديد على الحكومة وفى ظل احتجاجات فئوية تقريبا متكررة كل يوم اخرها النهاردة فى مترو الانفاق الاستاذ/ محمد على خير : انصفنا الحكومة فى ملف الامن بس هى فكرة منال الاتربى : يعنى كيف يؤدى الحكومة فى ظل هذا الهجوم الشديد المتكرر يوميا الاستاذ/ محمد على خير : لو خدنا بيه كشماعة يبقى كل رئيس حكومة هيبقى له ان هو يقول انا هشتغل ازاى كل يوم اضرابات طيب ليه النهاردة فى اضراب مترو الانفاق ليه رئيس الوزراء ما طلعش ماهو يطلع يكلم الناس يعنى دا فى كام مليون 5 سته مليون اللى بيستخدموا مترو الانفاق بتتكلمى فى ارقام بشعة فى ناس تعطلت مصالحها الاعلان عن الاضراب معلن يعنى الاضراب الدولة لم تفاجا باضراب النهاردة مترو الانفاق ده محدد له سلفا منذ عدة ايام منال الاتربى : هى دى النقطة الحقيقة الاستاذ/ محمد على خير : يعنى ليه انا اترك 6 مليون النهاردة ينزلوا لمصالحهم والدنيا بايظة ثم يحدث حالة من حالات الاستغلال البشع وده امر طبيعى عرض وطلب سائقى الباصات والميكروباسات كله عمال يغلى التسعيرة او التعريفة طب رئيس الحكومة كان عليه تعالى يا وزير المالية لو فى مطالب وزير النقل حلو لى المشكلة دى فى مشكلة منال الاتربى : حتى لو لم يكن معلن اليس هناك ادارة للازمات الاستاذ/ محمد على خير : نعم مفروض منال الاتربى : يعنى دى ازمة تصيب البلد بالشلل الاستاذ/ محمد على خير : سائقى مترو الانفاق طلب اقالة رئيس الجهاز طيب ما انت اقالتة النهاردة يعنى كان لازم يعطل تعطيل مصالح يعنى هل انا لوى الدراع لأ بس كان فى فرق لما كنت انت رئيس حكومة كحكومة تدير هذا الملف بهذا الشكل يبقى كنت على الاقل سجلت نقطة عند المواطنين ان المترو مش هيتوقف وفى نفس الوقت يستمع ليك لكن للاسف الشديد فى بطء فى رد الفعل او يبقى عند الحكومة اصدار مبكر للاسف الحكومة ليس عندها جهاز انذار مبكر بحيث انها تنقذ المشاكل قبل ان تستفحل منال الاتربى : وده هوفر عليها الحقيقة كتير قوى الاستاذ/ محمد على خير : جدا خلينا اتمنى لو احد المسئولين او حتى الدكتور هشام قنديل سمعنا اية اللى يمنع ان احنا نوجه الى ليبيا نوجة دعو لرئيس الحكومة الليبية وانا باكلم حضرتك اهو يا سيادة رئيس الوزراء اية اللى يمنع ان احنا نروح ليبيا وناخد منها جزء من كعكة الاعمار بتعتها ايه المشكلة يعنى لأ انا باحاول نفتح بعض الملفات الجزء التانى مثلا نطلق مشروع منال الاتربى : وهى سهلة فى تنفيذها الاستاذ/ محمد على خير : اه يعنى مشروع زى الطاقة الشمسية باقول لحضرتك دراسات الجدوى موجودة لدى مسئولى ملف الطاقة فى مؤسسة الرئاسة وهناك بنوك اعرفها حتى لايكون اعلانا بنوك وطنية على استعداد لتمويل هذا المشروع مباشرتا عندنا ايضا فكرة سينا سينا تتعاملى معاه اللى هو مانشتين فى الصحافة والامور تهدى وخلاص لأ سينا فى وضع خطر محتاجين رئيس الحكومة يتابع هذا الملف ويطمنا منال الاتربى : طب استاذ محمد هوبيان الدكتور هشام قنديل اثار العديد من ردود الافعال هنتوقف مع حضرتك امام اثنين نريد التعقيب من حضرتك اولا رد الفعل الاول جاء على لسان الدكتور عبد المنعم ابو الفتوح قال ان اداء الحكومة ليس ثوريا وتشريعاتها لا تتناسب مع مطالب الثورة تعقيب حضرتك الاستاذ/ محمد على خير : اداء الحكومة ليس ثوريا اتفق معة هو كان يريد قرارات جريئة زى تحقيق خطواط ملموسة فى مسالة ملف العدالة الاجتماعية ده مش موجود اما فيما يتعلق بتشريعات الحكومة يعنى الحكومة للامانة لا تشرع يعنى ليه معاه السلطة التشريعية حاليا لان الحكوم لم تقدم حتى مشروعات بقوانين حتى الان لكن ده ربما تصريح للدكتور عبد المنعم ابو الفتوح بصفتة رئيس حزب مصر القوية اللى جرى تسجيلة اول امس رسميا منال الاتربى : انما بوصفة ثورجى الاستاذ/ محمد على خير : ماهو فى النهاية كان موجود ده مرشح رئاسة يعنى لوبرنامجة بس انا لا اريد من الدكتور عبد المنعم ابو الفتوح وهو صديق عزيز انوا يتعامل منطق الهجوم فقط يعنى يقدم هشام قنديل يعنى عايز اقول نقطة منال الاتربى : تقصد ايه حضرتك مقترحات حلول الاستاذ/ محمد على خير : فشل رئيس الحكومة الحالى هوفشل ليا كمواطن فشل لمصر ما انا مش عاوزة يقع يعنى لو وقع منال الاتربى : وانا لا تمنى له طبعا الاستاذ/ محمد على خير : فشل نجاح الدكتور مرسى فى تلك السنوات الاربعة هو نجاح ليا كمواطن ونجاح للبلد منال الاتربى : طبعا الاستاذ/ محمد على خير : لاقدر الله فشل برنامجة فشل لمصر منال الاتربى : اعوذو بالله الاستاذ/ محمد على خير : فاحنا لا ننتقد احنا بنقول لا يعنى يا رئيس الوزراء انامش هطلع لك على التليفزيون واقول لك ايه ده وبيان وحش وزى وزى لأ انا باقول لأ انت انجزت جزء فى ملف الامن كمل عليه بس الملف الاقتصادى عندنا فيه مشاكل انا باقدم رؤيتى باقول لك احنا قرانا مثلا كعكة اعمار ليبيا 400 مليار طب ما نسافر لحد هناك يعنى منال الاتربى : نفتح مجالات الاستاذ/ محمد على خير : نفتح مجالات اعمل مشروع فى الصعيد عشان عندنا مشاكل كبيرة جدا فى الصعيد يعنى الصعيد لايمكن تجاهلة بهذا الشكل يعنى لما يبقى عندنا 3 مراكز محورية تعمير سينا محور تعمير سينا محور تعمير الصعيد يبقى عندنا حاجة بهذا الشكل ما يبقاش الصعيد وسينا طاردة لينا هى دى الافكاريعنى لماذا لا يدعو رئيس الوزراء وده امر مشروع مش هيرجع الى مؤتمر اقتصادى مؤتمر اقصادى لمدة 48 ساعة يحضر فيه خبراء اقصاديين الدكتور هشام قنديل ليس متخصصا فى ملف الاقتصاد دا متخصص فى ملف الرى واحنا حتى لسع ما اتكلمناش عليه لان الدنيا بردوا لا تزال مش قد كده ليه ما بيخصصش مؤتمر للاقتصاد يسمع فيه راى خبراء اقتصاد محللين ودوليين ونطلع روشتة من 10 نقاط 7 نقاط بعد 48 ساعة نبدأ ننفذها هقول لكل مواطن انت بعد كذا هتاخد كذ ا لكن الحلول التقليدية عشان كده بنقولك ايه الحكم الحالى هو حكم مبارك الحكومة الحالية هى امتداد لحكومة مبارك مش بيشتموة هما بيقولوا ايه انك بتتبع نفس الاساليب السهلة يعنى مثل الحكومات ما قبل الثورة كانت بتستسهل ايه يالا نروح ناخد قرض طب ما انت بتستسهل اول ما ما قبلتك مشكلة رحت منال الاتربى : فى هذا السياق الدكتور هشام قنديل قال ان المسئولية مسئولية مشتركة بمعنى ان الشعب ايضا يجب ان يتحمل مسئوليتة كما تتحمل الحكومة مسئوليتها الاستاذ/ محمد على خير : مسئولية الشعب وحدة لانوا هيقف فى اضرابات فئوية ارسم تصور او رؤية مقترحة ايه اللى هنعملة تجاه الاضرابات الفئوية يعنى مثلا امهلونى يبقى فى تواصل مجتمعىبس انت تطلع تقول للناس ده لمدة عام او عام ونص انا هعمل كذا هزود اجور كذا يعنى انت اللى معاك الملف بالكامل انت اللى معاك الصورة كاملة بس انت قاعد ساكت ما بتطلعش على النا س يعنى قضية جماهيرية زى ما باقول لحضرتك النهاردة مترو الانفاق حتى رئيس الوزراء مايطلعش هو فى اكتر من 6 مليون مواطن مصرى مصالحهم تضررت اليوم يعنى انا باتكلم على ده لازم يكون عندك تلك الرؤية يعنى اسبق الاحداث جهاز الانذار المبكر اللى انا باقول علية للاسف منال الاتربى : ماهو حضرتك رد الفعل الثانى جاء على لسان الدكتور على لطفى وقال فيه ان البيان كان غير واضح المعالم الاستاذ/ محمد على خير : دى بردوا ملاحظة جديرة بالاعتبار فعلا كان فى حالة من حالات التوهان بالتعبير البلدى يعنى الشعبى كان يعنى مش ماسك مشروع له راس ورجل يعنى اول ما قال دا ما اعلنة امس الدكتور هشام قنديل رئيس الوزراء وصل لسنة 2022 ياسيدى الفاضل احنا بنتكلم على الشهرين دول ما بنتكلمش حتى على 2022 لان من المؤكد اى فصيل سياسى سيعقد اغلبية فى البرلمان القادم سيسعى فى تمثيل برنامجة بحيث الوصول الى راى للسلطة التنفيذية يبقى رئيس حكومة يعنى انت بس يعنى ايه مشى ال 6 شهور دول بشكل جيد متخليش الامور تتفاقم ما تورطناش فى قروض اعمل رؤية او امل للشعب المصرى الشعب المصرى مش قاعد لسه هيستمنى ان حد يقوله هنربط حزام وكل حاجة يعنى اللى هو ظروفك كرئيس مصر الشعب وصل لاخرة انت عليك ان توجد دورك ان تبتكر يعنى بس لما هتحط الشعب علشان ينزل يشتغل كله ليه هيعمل ايه العائد ايه تحمل كذا علشان كذا لكن منال الاتربى : حضرتك فى ضوء الشهور ال3 الماضية واداء الحكومة خلالها كيف ترى المستقبل الاستاذ/ محمد على خير : اذا الحكومة لم تبذب مجهود اكبر فى مسالة الملف الاقتصادى انا اعتقد ربما تتعرض لضغط شعبى يجبر رئيس الدولة على اقالتها الملف الاقتصادى ملف مهم الان انا قلت لحضرتك فى تحسن يعنى لكن وتحسن يجب ان يبنى عليه لكن مش دى الفكرة او انتشار القوات ده امر جميل التواجد لكن لسة بردوا فى مشاكل امنية بدليل ان احنا لحد النهاردة مش قادرين نرجع الدورى يعنى دا ده فى حد ذاتها منال الاتربى : ابسط الامور الاستاذ/ محمد على خير : الحكومة لا تستطيع ان ترجع الدورى الحكومة تنتظر من بعض الشباب المشجعين هما اللى بيحددوا انت عارفة يعنى ايه حضرتك الدورى ده مش مجرد مطشين كورة الناس بتلعب منال الاتربى : طبعا الاستاذ/ محمد على خير : ده استثمارات واقتصاد منال الاتربى : طبعا الاستاذ/ محمد على خير : ومبنى عليه حاجات كثيرة جدا منال الاتربى : وبيوت كتيرة مفتوحة الاستاذ/ محمد على خير : بيوت مفتوحة طب انت مش قادر ترجعة طب ازاى فلا تحدثنى عن الامن ان هو عايز لأ انت قلت ان هناك تحسن فى الامن الملف الاقتصادى يجب ان تبذل فيه مجهود اكثر ٍ منال الاتربى : وجت الملف الاقتصادى هو بردوا فيه ترفيه واكيد الناس محتاجاة طب حضرتك نصيحتك السابقة اوروشتة سريعة الاستاذ/ محمد على خير : يا دكتور هشام مفيش وطنى مخلص هيكون ضد وجود حضرتك فى انك رئيس الحكومة ولا نقد اوهجوم للبرنامج بتاع الحكومة فقط بس عليك ان تكون اقرب الى الشعب تواصل معه حتى لو مرتين فى الاسبوع قله بيان كنت اتمنى وجودك النهاردة حتى وسط الناس على المترو كمواطن مصرى لان انت كرئيس حكومة مش قاعد فى برج عالى لأ بتسمع الناس وهتحل المشاكل دى اعمل جهاز انذارمبكر يقولك المحافظة الفلانية امتى اضراب فئوى ابدأ حلة مثلا انا عارف انت انت بتمر بفترة صعبة وانك قعدت 3 شهور عبارة عن الحكومة بتلعب دور طفاية حريق مثلا ما ينفعش ده يستمر الاقتصاد الاقتصاد الاقتصاد وقلت لحضرتك ممكن تعقد او تدعو لمؤتمر اقتصادى وما اكثر خبراء مصر يقدموا روشتة لينا ونشتغل عليها منال الاتربى : استاذ محمد علي خير اهلا وسهلا بيك ضيفا كريما وعزيزا دائما فى مساحة للراى وغدا انشاء الله مشاهدينا الكرام مساحة جديدة للراى شكرا لكم .والسلام عليكم .
